'പണം നൽകിയാണ് മദ്യം ഓഡർ ചെയ്തത്; മദ്യം വിതരണം ചെയ്തില്ല; അവർ ഫോൺ എടുക്കുന്നതുമില്ല'; ഓൺലൈൻ മദ്യവിതരണ സ്ഥാപനം കബളിപ്പിച്ചെന്ന് നടി ശബാന ആസ്മി
മുംബൈ: ഓൺലൈൻ മദ്യവിതരണ സ്ഥാപനമായ ലിവിങ് ലിക്വിഡ്സ് കബളിപ്പിച്ചെന്ന പരാതിയുമായി നടി ശബാന ആസ്മി.ഓൺലൈൻ വഴി മദ്യം ഓഡർ ചെയ്തുവെങ്കിലും തനിക്ക് മദ്യം ലഭിച്ചില്ലെന്ന് അവർ ട്വീറ്റ് ചെയ്തു. ഓൺലൈൻ പണമിടപാടിന്റെ വിശദാംശങ്ങൾ അടക്കമുള്ളവ ഉൾപ്പെടുത്തിയാണ് നടി ട്വീറ്റ് ചെയ്തിട്ടുള്ളത്.
'സൂക്ഷിക്കുക. അവർ എന്നെ കബളിപ്പിച്ചു. പണം നൽകിയാണ് മദ്യം ഓഡർ ചെയ്തത്. മദ്യം വിതരണം ചെയ്തില്ല എന്ന് മാത്രമല്ല, അവർ തന്റെ ഫോൺ എടുക്കുന്നതുമില്ല' - 70 വയസുള്ള താരം ട്വീറ്റ് ചെയ്തു.
BEWARE I have been cheated by them. #Living Liquidz I paid upfront and when the ordered item didnt turn up they stopped picking up my calls!
- Azmi Shabana (@AzmiShabana) June 24, 2021
I paid Account no.919171984427
IFSC- PYTM0123456
Name living liquidz
Paytm payment bank
എന്നാൽ എത്ര രൂപയ്ക്കാണ് മദ്യം ഓഡർ ചെയ്തതെന്നോ കബളിപ്പിക്കപ്പെട്ടതിന്റെ പേരിൽ പരാതി നൽകിയിട്ടുണ്ടോ എന്നോ താരം വെളിപ്പെടുത്തിയിട്ടില്ല.
