ജീവിച്ചിരിക്കുന്ന സിനിമാ താരങ്ങൾ മരിച്ചെന്ന തരത്തിൽ സോഷ്യൽ മീഡിയയിലും മാധ്യമങ്ങളിലും വാർത്തവരുന്നത് ഇന്ന് ഒരു സ്ഥരിരം സംഭവമായി മാറിയിരിക്കുകയാണ്. രണ്ട് ദിവസങ്ങൾക്ക് മുമ്പാണ് നടി ശ്വേത തിവാരി മരിച്ചുവെന്ന് തരത്തിലുള്ള വാർത്തകൾ പ്രചരിച്ചത്. ഇപ്പോഴിതാ ബോളിവുഡിന്റെ സ്വന്തം കിംങ് ഖാനാണ് മരണ വാർത്തയുടെ ഇര.

ഒരു ഫ്രഞ്ച് മാധ്യമമാണ് സംഭവത്തിന് തുടക്കമിട്ടത്. പാരിസിലെ വിമാനാപകടത്തിൽ ഷാരൂഖ് ഖാൻ കൊല്ലപ്പെട്ടുവെന്ന് ഒരു ഫ്രഞ്ച് വെബ്സൈറ്റ് റിപ്പോർട്ട് ചെയ്തു. മാത്രമല്ല ഫ്രഞ്ച് സിവിൽ ഏവിയേഷൻ താരത്തിന്റെ മരണത്തിൽ അനുശോചനവും രേഖപ്പെടുത്തിയിട്ടുണ്ടെന്നും അവർ അവകാശപ്പെട്ടു. തുടർന്ന് മരണ വാർത്ത തീപോലെ പടർന്ന് പിടിക്കുകയായിരുന്നു.

'മകളുടെ പിറന്നാൾ ആഘോഷിക്കാനും ബിസിനസ് ആവശ്യങ്ങൾക്കുമായി യാത്ര ചെയ്തതായിരുന്നു ഷാരൂഖ്. മോശം കാലാവസ്ഥയെ തുടർന്ന് വിമാനം അപകടത്തിൽപ്പെട്ടു. താരത്തിന്റെ മരണത്തിൽ ഫ്രഞ്ച് സിവിൽ ഏവിയേഷൻ ഖേദം രേഖപ്പെടുത്തി. മാത്രമല്ല ഇന്ത്യയിലെ സൂപ്പർ താരത്തിന്റെ മരണം ആരാധകരെ ദുഃഖത്തിലാഴ്‌ത്തിയിരിക്കുകയാണെന്നുമായിരുന്നു വാർത്ത.

ഇതിനിടെ ബോളിവുഡ് താരം സണ്ണി ലിയോണും ഭർത്താവ് ഡാനിയൽ വെബറും സഞ്ചരിച്ച വിമാനം തകർന്നു വീണു. അപകടത്തിൽ ആർക്കും പരിക്കില്ല. വൻ അപകടത്തിൽ നിന്ന് ഭാഗ്യം കൊണ്ടാണ് രക്ഷപ്പെട്ടതെന്ന് സണ്ണി ലിയോൺ തന്നെ വ്യക്തമാക്കിയിട്ടുണ്ട്. അപകടസമയത്ത് പൈലറ്റുമാരുടെ മനസ്സാന്നിധ്യമാണ് തങ്ങളെ രക്ഷിച്ചതെന്നും സണ്ണി ട്വീറ്റിൽ പറയുന്നു.