അന്വേഷണങ്ങൾക്ക് മറുപടി പറയാൻ വൈകിയതിന് മാപ്പ്; മാർഗഴി ഷോയുടെ തിരക്കിലായിരുന്നു; മണിച്ചിത്രത്താഴിന്റെ ഇരുപത്തഞ്ചാം വാർഷികത്തിൽ ആരാധകരോട് നന്ദിയും ഒപ്പം മാപ്പും പറഞ്ഞ് ശോഭന; വർഷങ്ങളിത്ര കഴിഞ്ഞിട്ടും ആ സിനിമ ആളുകൾ മറന്നിട്ടില്ലെന്നതും കൂടുതൽ അഭിനന്ദനങ്ങൾ നേടുന്നതും വലിയൊരു കാര്യമാണെന്നും നടി
ഫാസിൽ സംവിധാനം ചെയ്ത മണിച്ചിത്രത്താഴ് ഇരുപത്തഞ്ചാം വാർഷികത്തിൽ ഫേസ്‌ബുക്ക് പോസ്റ്റുമായി നായിക ശോഭന. ഈ അവസരത്തിൽ ആരാധകരോട് നന്ദിയും ഒപ്പം മാപ്പും പറഞ്ഞ് നടി രംഗത്തു വന്നു. അന്വേഷണങ്ങൾക്ക് മറുപടി പറയാൻ വൈകിയതാണ് താരം മാപ്പ് ചോദിച്ചത്. തന്റെ ഫേസ്‌ബുക്ക് പേജിലൂടെയാണ് മണിചിത്രത്താഴിനെക്കുറിച്ചും നടി വാചാലയായത്. 1993 ഡിസംബർ 25നാണ് ചിത്രം പുറത്തിറങ്ങിയത്. ചിത്രത്തിലെ പ്രകടനത്തിന് മികച്ച നടിക്കുള്ള ദേശീയപുരസ്‌കാരവും ശോഭനയെ തേടിയെത്തിയിരുന്നു. ശോഭനയുടെ കുറിപ്പിന്റെ പൂർണരൂപം എല്ലാ മീഡിയ സുഹൃത്തുക്കൾക്കും എക്കാലത്തെയും എന്റെ പ്രിയ സിനിമയായ മണിച്ചിത്രത്താഴിന്റെ ഫാൻസിനും... മാഗഴി പെർഫോമൻസുമായി ഞാൻ ചെന്നൈയിൽ തിരക്കിലാണ്, അതാണ് നിങ്ങളുടെ അന്വേഷണങ്ങൾക്ക് മറുപടി തരാൻ കഴിയാതെ പോയത്. ക്ഷമ ചോദിക്കുന്നു. വർഷങ്ങളിത്ര കഴിഞ്ഞിട്ടും ആ സിനിമ ആളുകൾ മറന്നിട്ടില്ലെന്നതും കൂടുതൽ അഭിനന്ദനങ്ങൾ നേടുന്നതും വലിയൊരു കാര്യമാണ്. ശരിക്കും വിസ്മയകരമായി തോന്നുന്നു, എനിക്കു മാത്രമല്ല ചിത്രത്തിലെ മറ്റു ആർട്ടിസ്റ്റുകൾ, സംവിധായകൻ,
ഫാസിൽ സംവിധാനം ചെയ്ത മണിച്ചിത്രത്താഴ് ഇരുപത്തഞ്ചാം വാർഷികത്തിൽ ഫേസ്‌ബുക്ക് പോസ്റ്റുമായി നായിക ശോഭന. ഈ അവസരത്തിൽ ആരാധകരോട് നന്ദിയും ഒപ്പം മാപ്പും പറഞ്ഞ് നടി രംഗത്തു വന്നു. അന്വേഷണങ്ങൾക്ക് മറുപടി പറയാൻ വൈകിയതാണ് താരം മാപ്പ് ചോദിച്ചത്. തന്റെ ഫേസ്‌ബുക്ക് പേജിലൂടെയാണ് മണിചിത്രത്താഴിനെക്കുറിച്ചും നടി വാചാലയായത്.
1993 ഡിസംബർ 25നാണ് ചിത്രം പുറത്തിറങ്ങിയത്. ചിത്രത്തിലെ പ്രകടനത്തിന് മികച്ച നടിക്കുള്ള ദേശീയപുരസ്‌കാരവും ശോഭനയെ തേടിയെത്തിയിരുന്നു.
ശോഭനയുടെ കുറിപ്പിന്റെ പൂർണരൂപം
എല്ലാ മീഡിയ സുഹൃത്തുക്കൾക്കും എക്കാലത്തെയും എന്റെ പ്രിയ സിനിമയായ മണിച്ചിത്രത്താഴിന്റെ ഫാൻസിനും... മാഗഴി പെർഫോമൻസുമായി ഞാൻ ചെന്നൈയിൽ തിരക്കിലാണ്, അതാണ് നിങ്ങളുടെ അന്വേഷണങ്ങൾക്ക് മറുപടി തരാൻ കഴിയാതെ പോയത്. ക്ഷമ ചോദിക്കുന്നു.
വർഷങ്ങളിത്ര കഴിഞ്ഞിട്ടും ആ സിനിമ ആളുകൾ മറന്നിട്ടില്ലെന്നതും കൂടുതൽ അഭിനന്ദനങ്ങൾ നേടുന്നതും വലിയൊരു കാര്യമാണ്. ശരിക്കും വിസ്മയകരമായി തോന്നുന്നു, എനിക്കു മാത്രമല്ല ചിത്രത്തിലെ മറ്റു ആർട്ടിസ്റ്റുകൾ, സംവിധായകൻ, ടെക്നീഷ്യന്മാർ എന്നിവർക്കും സമാന അനുഭവം തന്നെയായിരിക്കുമെന്ന് ഞാൻ കരുതുന്നു. അവരോടെല്ലാം എന്റെ സ്നേഹവും ബഹുമാനവും അറിയിക്കുന്നു' ശോഭന കുറിക്കുന്നു.
മലയാളത്തിൽ നിന്നും ഏറ്റവുമധികം ഭാഷയിലേക്ക് റീമേക്ക് ചെയ്യപ്പെട്ട ചിത്രം എന്ന വിശേഷണവും മോഹൻലാൽ നായക വേഷം ചെയ്ത മണിചിത്രത്താഴിനുള്ളതാണ്. തമിഴ്, ഹിന്ദി, കന്നട, ബംഗാളി, ബോജ്പുരി അടക്കമുള്ള ഭാഷകളിലെല്ലാം ചിത്രം റീമെക്ക് ചെയ്യപ്പെട്ടിട്ടുണ്ട്.
