സിംഗപ്പൂർ: സിംഗപ്പൂർ പ്രവാസി എക്സ്‌പ്രസ്സ് ഹ്രസ്വചിത്ര മത്സരം നടത്തുന്നു. മലയാളി യവത്വത്തിന്റെ സർഗാത്മകതയെ സുവർണ്ണ ലിപികളിൽ ആലേഖനം ചെയ്യാൻ ഒരു സുവർണാവസരം നൽകുകയാണ് ഇതിന്റെ ലക്ഷ്യം.

മനുഷ്യത്വത്തിന്റെ, മാനുഷികതയുടെ, മനുഷ്യ ജീവിതത്തിന്റെ കഥകൾ പറയുന്ന 5-30 മിനിറ്റ് ദൈർഘ്യമുള്ള ഒരു ഷോർട്ട്ഫിലിം തയ്യാറാക്കി അയയ്ക്കുകയാണ് വേണ്ടത് . ജീവിതത്തിന്റെ നേർ ചിത്രങ്ങളായ നിങ്ങളുടെ സൃക്ഷ്ടികൾ ഡോക്യുമെന്ററി, അനിമേഷൻ, ലൈവ് ആക്ഷൻ,കോമഡി ഡ്രാമ എന്നിങ്ങനെ ഏതു ഫോർമാറ്റിലും ആകാം. ക്യാമറയുടെ തരവും ഭാഷയും ഒരു മാനദണ്ഡമല്ല. സമ്മാന വിഭാഗങ്ങൾ : മികച്ച ചിത്രം: INR 25000, മികച്ച അഭിനേതാവ്: INR 25000. വിജയികൾക്ക് സിംഗപ്പൂരിൽ വെച്ചു നടക്കുന്ന കലാസാംസ്‌കാരിക രംഗത്തെ പ്രമുഖർ പങ്കെടുക്കുന്ന പ്രവാസി എക്സ്‌പ്രസ് നൈറ്റിന്റെ വർണാഭമായ ചടങ്ങിൽ വെച്ചു സമ്മാനങ്ങൾ നൽകുന്നതാണ്.

സർഗാത്മകത, ആഖ്യാനത്തിലെ പുതുമ, ആവിഷ്‌കാര നൈപുണ്യം എന്നിവയായിരിക്കും വിധിനിർണ്ണയ മാനദണ്ഡങ്ങൾ. എൻട്രി ഫീസ് 1000രൂപയാണ്. ചിത്രങ്ങൾ സബ്മിറ്റ് ചെയ്യേണ്ട അവസാന തീയതി 30th ജൂൺ 2017..