ന്യൂഡൽഹി: പ്രമുഖ മരുന്ന് കമ്പനിയായ സൈഡസ് കാഡിലയുടെ കോവിഡ് വാക്സിന് അടിയന്തര ഉപയോഗത്തിന് അനുമതി നൽകാൻ ശുപാർശ. മൂന്ന് ഡോസുള്ള വാക്സിന് അടിയന്തര ഉപയോഗത്തിന് അനുമതി നൽകാൻ ഡ്രഗ്സ് കൺട്രോളറുടെ കീഴിലുള്ള വിദഗ്ധ സമിതിയാണ് ശുപാർശ നൽകിയത്.

സൈക്കോവ് -ഡിയുടെ രണ്ടാം ഡോസുമായി ബന്ധപ്പെട്ട് കൂടുതൽ വിവരങ്ങൾ കൈമാറാൻ സൈഡസ് കാഡിലയ്ക്ക് വിദഗ്ധ സമിതി നിർദ്ദേശം നൽകി.അവസാനഘട്ട പരീക്ഷണത്തിൽ 66.6 ശതമാനം ഫലപ്രാപ്തിയാണ് സൈക്കോവ് -ഡി കാണിച്ചത്. 28,000 പേരിലാണ് പരീക്ഷണം നടത്തിയത്. ഡ്രഗ്സ് കൺട്രോളറുടെ അംഗീകാരം ലഭിച്ചാൽ രാജ്യത്ത് വാക്സിൻ വിതരണത്തിന് അനുമതി ലഭിക്കുന്ന ആറാമത്തെ വാക്സിനാവും സൈക്കോവ് -ഡി.

നിലവിൽ കോവാക്സിൻ, കോവിഷീൽഡ്, മോഡേണ, സ്പുട്നിക് , ജോൺസൺ ആൻഡ് ജോൺസൺ എന്നി വാക്സിനുകൾക്കാണ് അംഗീകാരം ലഭിച്ചത്.

 

കോവിഡ് വാക്‌സിൻസൈക്കോവ് -ഡിക്ക്‌

മറുനാടന്‍ മലയാളി

    മറുനാടന്‍ മലയാളി ബ്യൂറോ