അടിയന്തിര സാഹചര്യങ്ങളിൽ സിംഗപ്പൂർ മലേഷ്യ യാത്രക്ക് അനുമതി നല്കാൻ തീരുമാനം. ഈ മാസം 17 മുതൽ മരണം, അസുഖം തുടങ്ങിയ അടിയന്തിര സാഹചര്യങ്ങളിൽ ഇരുരാജ്യങ്ങൾക്കിടയിലും യാത്ര ചെയ്യാം. ഇരുരാജ്യങ്ങളിലെയും വിദേശകാര്യ മന്ത്രിമാർ ആണ് ഇക്കാര്യം അറിയിച്ചത്.

യാത്രാ ക്രമീകരണങ്ങളുടെ വിശദാംശങ്ങൾ പിന്നീട് പുറത്തുവിടുമെന്നും സന്ദർശകരെ ടെസ്റ്റ് ചെയ്യുന്നതും ക്വാറന്റെയൻ വിവരങ്ങളും കഇതിൽ ഉൾപ്പെടുമെന്ന് വിദേശകാര്യ മന്ത്രി വിവിയൻ ബാലകൃഷ്ണൻ പറഞ്ഞു.സിംഗപ്പൂരും മലേഷ്യയും തമ്മിലുള്ള അടിയന്തര സന്ദർശനങ്ങൾക്കും മരണത്തിനും വേണ്ടിയുള്ള നടപടിക്രമങ്ങളും പ്രവേശന ആവശ്യകതകളും സംബന്ധിച്ച് രണ്ട് മന്ത്രിമാരും ചർച്ച ചെയ്യുകയും അനുകമ്പാപരവും അടിയന്തിരവുമായ കാരണങ്ങളാൽ ഇരു രാജ്യങ്ങളും തമ്മിലുള്ള യാത്ര സുഗമമാക്കുന്നതിനുള്ള ഒരു ചട്ടക്കൂടിൽ കരാർ ഉണ്ടാക്കാനുമാണ് തീരുമാനിച്ചത്.

നടപടിക്രമങ്ങളുടെയും പ്രവേശന ആവശ്യകതകളുടെയും വിശദാംശങ്ങൾ ഓരോ രാജ്യത്തെയും ബന്ധപ്പെട്ട അധികാരികൾ, അതായത് മലേഷ്യയിലെ ഇമിഗ്രേഷൻ വകുപ്പ്, ഇമിഗ്രേഷൻ & ചെക്ക് പോയിന്റ് അഥോറിറ്റി ഓഫ് സിംഗപ്പൂർ (ഐസിഎ) എന്നിവ പുറത്തുവിടും. മെയ് 17 മുതൽ ഈ സംവിധാനം നടപ്പാക്കും.

 

സിംഗപ്പൂർ മലേഷ്യ യാത്ര