ഏകദേശം മൂന്ന് വർഷത്തെ ഇടവേളയ്ക്ക് ശേഷം, 14 ദിവസത്തെ ട്രയലിന്റെ ഭാഗമായി ജനുവരി 16 മുതൽ 29 വരെ റൈഡ്-ഹെയ്ലിങ് ആപ്പ് ഗ്രാബ് ഉപയോഗിച്ച് യാത്രക്കാർക്ക് വീണ്ടും സ്വകാര്യ വാടക കാറുകളിലും ടാക്‌സികളിലും ഷെയർ റൈഡുകൾ ബുക്ക് ചെയ്യാം.ഒരേ ദിശയിലേക്ക് പോകുന്ന ഒന്നിലധികം യാത്രക്കാരെ കുറഞ്ഞ നിരക്കിൽ റൈഡ് പങ്കിടാൻ അനുവദിക്കുന്ന GrabShare സേവനത്തിന്റെ ട്രയൽ ആണ് 14 ദിവസം ഉണ്ടാവുക.

ട്രയൽ വേളയിൽ, ഡൗണ്ടൗൺ കോർ, റിവർ വാലി, ഔട്ട്റാം, ബ്യൂണ വിസ്റ്റ എന്നിവയുൾപ്പെടെ, ഡിമാൻഡ് കൂടുതലായിരിക്കുമെന്ന് പ്രതീക്ഷിക്കുന്ന തിരഞ്ഞെടുത്ത പ്രദേശങ്ങളിൽ നിന്ന് വൈകുന്നേരം 5 മണിക്കും 11 മണിക്കും ഇടയിലുള്ള സായാഹ്ന തിരക്കുള്ള സമയങ്ങളിൽ മാത്രമേ ഷെയർ റൈഡുകൾക്കുള്ള ബുക്കിങ് നടത്താനാകൂ.

ജനുവരി 29-ന് ശേഷം ഇവിടെ ട്രയൽ വിപുലീകരിക്കുമെന്ന് പ്രതീക്ഷിക്കുന്നു, എന്നാൽ റൈഡ്-ഷെയറിങ് സേവനം എപ്പോൾ പൂർണ്ണമായി പുനരാരംഭിക്കുമെന്ന് ഗ്രാബ് ഒരു ടൈംലൈൻ നൽകിയിട്ടില്ല.ഷെയർ ചെയ്യാത്ത റൈഡുകളെ അപേക്ഷിച്ച് റൈഡുകളുടെ നിരക്കുകൾ 20 ശതമാനം വരെ കുറവായിരിക്കും.

2016 ഡിസംബറിൽ സിംഗപ്പൂരിൽ ആരംഭിച്ച GrabShare, പകർച്ചവ്യാധിയുടെ ആദ്യ ദിവസങ്ങളിൽ യാത്രക്കാർക്കിടയിൽ കോവിഡ് -19 വ്യാപിച്ചതിനെക്കുറിച്ചുള്ള ആശങ്കകൾക്കിടയിൽ, 2020 ഫെബ്രുവരി 9 ന് താൽക്കാലികമായി നിർത്തിവച്ചതാണ്

ഗ്രാബ്