കാണാതായ ഗായകൻ ജലാശയത്തിൽ മരിച്ച നിലയിൽ; ആകാശവാണി മുൻ ജീവനക്കാരനും ഗായകനുമായ കാട്ടാക്കട പ്രേംകുമാറിനെ കാണാതായത് വ്യാഴാഴ്‌ച്ച വൈകുന്നേരത്തോടെ; മൃതദേഹം കണ്ടത് നെയ്യാർ ഡാം മരക്കുന്നം ജലാശയത്തിൽ

തിരുവനന്തപുരം: ആകാശവാണി മുൻ ജീവനക്കാരനും ഗായകനുമായ കാട്ടാക്കട പ്രേംകുമാറിനെ(62) നെയ്യാർഡാമിൽ മരിച്ച നിലയിൽ കണ്ടെത്തി. നാടക നടനും ലളിത ഗാനങ്ങൾക്കായി സംഗീതം ചിട്ടപ്പെട്ടുത്തിയ വ്യക്തികൂടിയാണു പ്രേംകുമാർ. വ്യാഴാഴ്ച വൈകുന്നേരം മുതൽ പ്രേംകുമാറിനെ കാണാതായിരുന്നു.

വെള്ളിയാഴ്ച വൈകിട്ട് നാലു മണിയോടെ നെയ്യാർ ഡാം മരക്കുന്നം ജലാശയത്തിൽ മൃതദേഹം കണ്ടെത്തുകയായിരുന്നു. മൃതദേഹം പോസ്റ്റ്‌മോർട്ടത്തിനായി മെഡിക്കൽ കോളജ് മോർച്ചറിയിലേക്കു മാറ്റി. ഭാര്യ ഉഷാ കുമാരി, മക്കൾ അപർണ, വീണ.