മലപ്പുറം: എസ്.ഐ.ഒ മലപ്പുറം ജില്ലാ കമ്മിറ്റി 18ന് പൊന്നാനിയിൽ പൊതു സമ്മേളനവും പബ്ലിക് ഡിസ്‌കഷനും സംഘടിപ്പിക്കും. 'Religion, Caste and Question of Faith: Locating Contemporary Anxieties around Conversion' എന്ന തലക്കെട്ടിൽ രാവിലെ നടക്കുന്ന പബ്ലിക് ഡിസ്‌കഷൻ എസ്.ഐ.ഒ സംസ്ഥാന പ്രസിഡന്റ് സി.ടി സുഹൈബ് ഉദ്ഘാടനം നിർവ്വഹിക്കും.

തമിഴ്‌നാട് വി സി.കെ പാർട്ടി സ്ഥാപകനും പ്രസിഡന്റുമായ തോൾ തിരുമാവളവൻ, ഡോ. ബി രവിചന്ദ്രൻ എന്നിവർ മുഖ്യാതിഥികളായിരിക്കും. അബ്ദുറഹ്മാൻ മീനാക്ഷിപ്പുരം, ഡോ.എം.ബി മനോജ്, ഷിബി പീറ്റർ, അസ്ലം.ഇ.എസ്, ഉമ്മുൽ ഫായിസ, ഡോ.ജമീൽ അഹ്മദ്, സി.ദാവൂദ്, എ.എസ്.അജിത്കുമാർ, ഫാസില എ.കെ, ഷിയാസ് പെരുമാതുറ, ബിലാൽ ഇബ്‌നു ജമാൽ, ഫഹീം അലി എന്നിവർ പങ്കെടുക്കും.

വൈകീട്ട് 'മതപരിവർത്തനത്തെ ഭയക്കുന്നതാര്' എന്ന തലക്കെട്ടിൽ നടക്കുന്ന പൊതുസമ്മേളനം ജമാഅത്തെ ഇസ്ലാമി കേരള അമീർ എം.ഐ.അബ്ദുൽ അസീസ് ഉദ്ഘാടനം നിർവ്വഹിക്കും. എസ്.ഐ.ഒ അഖിലേന്ത്യ പ്രസിഡന്റ് നഹാസ് മാള, സംസ്ഥാന ജനറൽ സെക്രട്ടറി തൗഫീഖ് കെ.പി, ജമാഅത്തെ ഇസ്ലാമി സംസ്ഥാന സെക്രട്ടറി ശിഹാബ് പൂക്കോട്ടൂർ, ജില്ലാ പ്രസിഡന്റ് എം.സി നസീർ, രാജീവ് ഗാന്ധി സ്റ്റഡി സർക്കിൾ സംസ്ഥാന കോർഡിനേറ്റർ അനൂപ്.വി.ആർ, സോളിഡാരിറ്റി ജില്ലാ പ്രസിഡന്റ് സമീർ കാളികാവ്, ജി.ഐ.ഒ ജില്ലാ പ്രസിഡന്റ് ഷനാനീറ, എസ്.ഐ.ഒ ജില്ലാ പ്രസിഡന്റ് ഡോ.സഫീർ.എ.കെ എന്നിവർ അഭിസംബോധന ചെയ്യും. പൊതു സമ്മേളനത്തിന് അനുബന്ധമായി വൈകീട്ട് വിദ്യാർത്ഥി റാലി സംഘടിപ്പിക്കും.

പത്ര സമ്മേളനത്തിൽ എസ്.ഐ.ഒ ജില്ലാ വൈസ്.പ്രസിഡന്റ് നഈം സി.കെ.എം. ജനറൽ സെക്രട്ടറി സൽമാനുൽ ഫാരിസ്.ടികെ, പി.ആർ ജോയിന്റ് സെക്രട്ടറി റഷാദ്.വി.പി, പ്രോഗ്രാം ജനറൽ കൺവീനർ സാബിഖ് വെട്ടം എന്നിവർ പങ്കെടുത്തു. പബ്ലിക് ഡിസ്‌കെഷൻ റജിസ്‌ട്രേഷൻ ആരംഭിച്ചതായും ഭാരവാഹികൾ അറിയിച്ചു. 8592067730, 8111855603