ഷിക്കാഗോ: അമേരിക്കയിലെ സീറോ മലബാർ രൂപതയുടെ ഔദ്യോഗിക അത്മായ സംഘടനയായ സീറോ മലബാർ കാത്തലിക് കോൺഗ്രസ് (എം.എം.സി.സി) സുവനീർ, ഡിസംബർ ആറിന് ഷിക്കാഗോ കത്തീഡ്രൽ ഹാളിൽ വച്ച് ബിഷപ്പ് മാർ ജേക്കബ് അങ്ങാടിയത്ത് പ്രകാശനം ചെയ്തു.

എസ്.എം.സി.സി ദേശീയ പ്രസിഡന്റ് സിറിയക് കുര്യന്റെ അധ്യക്ഷതയിൽ ചേർന്ന യോഗത്തിൽ ബിഷപ്പ് മാർ ജേക്കബ് അങ്ങാടിയത്ത്, സഹായ മെത്രൻ മാർ ജോയ് ആലപ്പാട്ട്, ഫാ. അഗസ്റ്റിൻ പാലയ്ക്കാപ്പറമ്പിൽ, ജനറൽ സെക്രട്ടറി അരുൺ ദാസ്, വൈസ് പ്രസിഡന്റ് ജോർജുകുട്ടി പുല്ലാപ്പള്ളി, ബോർഡ് ചെയർമാൻ മാത്യു തോയലിൽ, ട്രഷറർ സിജിൽ പാലയ്ക്കലോടി, എസ്.എം.സി.സി നാഷണൽ കമ്മിറ്റി അംഗങ്ങൾ, വിവിധ ചാപ്റ്റർ പ്രതിനിധികൾ എന്നിവർ പങ്കെടുത്തു. എസ്.എം.സി.സി ഷിക്കാഗോ ചാപ്റ്റർ പ്രസിഡന്റ് ജോസഫ് തോട്ടുകണ്ടത്തിൽ ചടങ്ങിലേക്ക് ഏവരേയും സ്വാഗതം ചെയ്തു.

അത്മായ പ്രേക്ഷിതത്വം സജീവമാക്കേണ്ടത് സഭയുടെ വളർച്ചയ്ക്ക് എത്രമാത്രം അനിവാര്യമാണെന്ന് സുവനീർ ഏറ്റുവാങ്ങിക്കൊണ്ട് നടത്തിയ പ്രസംഗത്തിൽ മാർ അങ്ങാടിയത്ത് ഊന്നിപ്പറഞ്ഞു. സഭയുടെ വളർച്ചയ്ക്ക് എസ്.എം.സി.സിക്ക് വലിയ ഉത്തരവാദിത്വങ്ങളാണ് ഉള്ളതെന്ന് തുടർന്ന് സംസാരിച്ച മാർ ജോയ് ആലപ്പാട്ട് ഓർമ്മിപ്പിച്ചു. എസ്.എം.സി.സിക്കുവേണ്ടി ബോർഡ് ചെയർമാൻ മാത്യു തോയലിൽ പിതാവ് ജോയ് ആലപ്പാട്ടിന് പ്രശംസാഫലകം നൽകി ആദരിച്ചു.



തുടർന്ന് ഫാ. അഗസ്റ്റിൻ പാലയ്ക്കപ്പറമ്പിൽ, എസ്.എം.സി.സിയുടെ പ്രവർത്തനങ്ങളെ അനുമോദിച്ചു. ബോർഡ് വൈസ് ചെയർപേഴ്‌സൺ ലൈസി അലക്‌സ് ചടങ്ങിൽ എം.സിയായിരുന്നു. ട്രഷറർ സിജിൽ പാലയ്ക്കലോടിയുടെ നന്ദി പ്രമേയത്തോടെ രാവിലത്തെ സെഷൻ അവസാനിച്ചു.

ഉച്ചയ്ക്ക് ലഞ്ചിനുശേഷം നടന്ന നാഷണൽ ഗവേണിങ് കൗൺസിൽ മീറ്റിംഗിന് പ്രസിഡന്റ് സിറിയക് കുര്യൻ അധ്യക്ഷതവഹിച്ചു. എസ്.എം.സി.സിയുടെ ഇതുവരെയുള്ള പ്രവർത്തനങ്ങൾ അവലോകനം ചെയ്യുകയും അടുത്ത ഒരു വർഷത്തേക്കുള്ള പ്രവർത്തനങ്ങൾ വിശദീകരിക്കുകയും ചെയ്തു. സേവനാധിഷ്ഠിത നേതൃത്വം എന്ന വിഷയത്തെ ആസ്പദമാക്കി എസ്.എം.സി.സി ഡയറക്ടർ ഫാ. അഗസ്റ്റിൻ പാലയ്ക്കാപ്പറമ്പിൽ തുടർന്ന് ക്ലാസെടുത്തു. കാലത്തിനനുസൃതമായ ക്രാന്തദർശിത്വമുള്ള ആശയങ്ങൾ നമ്മുടെ പ്രവർത്തനങ്ങളിൽ ഉണ്ടാവണമെന്നും, ജോൺപോൾ രണ്ടാമൻ മാർപാപ്പ ഉദ്‌ബോധിപ്പിച്ച സ്‌നേഹത്തിന്റെ സംസ്‌കാരം (ഇശ്ശഹശ്വമശേീി ീള ഘീ്‌ല) സഭയിൽ ശക്തമാകാൻ ലക്ഷ്യമിട്ടുള്ളതാവണം നമ്മുടെ പ്രവർത്തനങ്ങളെന്നും അദ്ദേഹം ഓർമ്മിപ്പിച്ചു. തുടർന്ന് ജനറൽ സെക്രട്ടറി അരുൺ ദാസ് 2013-ലെ ഗവേണിങ് കൗൺസിൽ മീറ്റിംഗിന്റെ മിനിറ്റ്‌സും, 2014-ലെ പ്രവർത്തന റിപ്പോർട്ടും അവതരിപ്പിച്ചു. അതിനുശേഷം 2013-ലെ കണക്കുകൾ മുൻ ട്രഷറർ ഏലിക്കുട്ടി ഫ്രാൻസീസും, 2014-ലെ കണക്കുകൾ സിജിൽ പാലയ്ക്കലോടിയും അവതരിപ്പിച്ചു.

അരുൺ ദാസിന്റെ നേതൃത്വത്തിൽ വിവിധ ചാപ്റ്റർ പ്രതിനിധികളുമായുള്ള പ്രവർത്തനങ്ങളുടെ അവലോകനം തുടർന്ന് നടക്കുകയുണ്ടായി. ഗവേണിങ് കൗൺസിൽ യോഗത്തിൽ പങ്കെടുത്ത എല്ലാവർക്കും ജോർജുകുട്ടി പുല്ലാപ്പള്ളി നന്ദി പറഞ്ഞു. എസ്.എം.സി.സിയുടെ യോഗം വിജയകരമായി നടത്തിയതിനു പിന്നിൽ പ്രവർത്തിച്ച ഷിക്കാഗോ എസ്.എം.സി.സി ഭാരവാഹികളായ കുര്യാക്കോസ് തുണ്ടിപ്പറമ്പിൽ, ഡോ. സാൽബി പോൾ ചേന്നോത്ത്, ജോൺസൺ കണ്ണൂക്കാടൻ, ജോസഫ് തോട്ടുകണ്ടത്തിൽ, ആന്റോ കവലയ്ക്കൽ എന്നിവർക്ക് എസ്.എം.സി.സി ദേശീയ നേതൃത്വം നന്ദി അറിയിച്ചു. എസ്.എം.സി.സി ഷിക്കാഗോ ചാപ്റ്ററിന്റെ പ്രവർത്തന റിപ്പോർട്ടും ചടങ്ങിൽ ഡോ. സാൽബി പോൾ അവതരിപ്പിച്ചു. എസ്.എം.സി.സി പി.ആർ.ഒ ജയിംസ് കുരീക്കാട്ടിൽ അറിയിച്ചതാണിത്.