സ്മോക്ക്ഡ് ബിരിയാണി
ആവശ്യമുള്ള സാധനങ്ങൾ ചിക്കൻ- 1 ( ഇടത്തരം) പുതിന- ½ കപ്പ് മല്ലിയില- ½ കപ്പ് പച്ചമുളക്- 15 ഇഞ്ചി- 1 ടേ.സ്പൂൺ വെളുത്തുള്ളി- 1 ടേ.സ്പൂൺ കറിവേപ്പില- 2 കതിർപ്പ് മല്ലിപ്പൊടി- 1 ½ ടേ.സ്പൂൺ സവാള- 2 നെയ്യ്- ½ കപ്പ് ഉപ്പ്- പാകത്തിന് അരി – 1 ½ കപ്പ് കറുവാപ്പട്ട, ഗ്രാംബു, ഏലക്ക- 1 ടേ.സ്പൂൺ പുകക്കായി ചാർക്കോൾ/കരി- 2 കഷണം പാകം ചെയ്യുന്നവിധം അരി കഴുകി കുതിരാൻ വെക്കുക. 2 മുതൽ 8 വരെയുള്ള ചേരുവകകൾ ഒരുമിച്ചരക്കുക. സവാള അരിഞ്ഞ് അല്പം എണ്ണയും നെയ്യും ചേർത്ത് വഴറ്റുക. അതിലേക്ക് അരച്ചു വെച്ച അരപ്പ് ചേർത്ത് വീണ്ടും ഇളക്കുക. എണ്ണ തെളിഞ്ഞു വരുംബോൾ അതിലേക്ക് ചിക്കൻ കഷണങ്ങൾ ചേർത്ത് 2 മിനിറ്റ് ഇളക്കിച്ചേർക്കുക. ഒന്ന് തിളച്ച് എണ്ണ തെളിഞ്ഞു തുടങ്ങിയാൽ , കരിക്കഷണങ്ങൾ നന്നായി കത്തിച്ച് ഒരു ചെറിയ പാത്രത്തിൽ വെച്ച് , ഒന്നു രണ്ട് തുള്ളി വെള്ളം തളിച്ച്,ചിക്കന്റെ നടുവിൽ വെച്ച്, പാത്രം മൂടി 5 മിനിറ്റ് കരി പുകയാൻ അനുവദിക്കുക. മൂടി മാറ്റി, കുതിർത്തു വെച്ചിരിക്കിന്ന അരി ചിക്കന്റെ മുകളിൽ നിരത്തി ഉപ്പും വിതറി
ആവശ്യമുള്ള സാധനങ്ങൾ
- ചിക്കൻ- 1 ( ഇടത്തരം)
- പുതിന- ½ കപ്പ്
- മല്ലിയില- ½ കപ്പ്
- പച്ചമുളക്- 15
- ഇഞ്ചി- 1 ടേ.സ്പൂൺ
- വെളുത്തുള്ളി- 1 ടേ.സ്പൂൺ
- കറിവേപ്പില- 2 കതിർപ്പ്
- മല്ലിപ്പൊടി- 1 ½ ടേ.സ്പൂൺ
- സവാള- 2
- നെയ്യ്- ½ കപ്പ്
- ഉപ്പ്- പാകത്തിന്
- അരി – 1 ½ കപ്പ്
- കറുവാപ്പട്ട, ഗ്രാംബു, ഏലക്ക- 1 ടേ.സ്പൂൺ
പുകക്കായി
ചാർക്കോൾ/കരി- 2 കഷണം
പാകം ചെയ്യുന്നവിധം
അരി കഴുകി കുതിരാൻ വെക്കുക. 2 മുതൽ 8 വരെയുള്ള ചേരുവകകൾ ഒരുമിച്ചരക്കുക. സവാള അരിഞ്ഞ് അല്പം എണ്ണയും നെയ്യും ചേർത്ത് വഴറ്റുക. അതിലേക്ക് അരച്ചു വെച്ച അരപ്പ് ചേർത്ത് വീണ്ടും ഇളക്കുക. എണ്ണ തെളിഞ്ഞു വരുംബോൾ അതിലേക്ക് ചിക്കൻ കഷണങ്ങൾ ചേർത്ത് 2 മിനിറ്റ് ഇളക്കിച്ചേർക്കുക.
ഒന്ന് തിളച്ച് എണ്ണ തെളിഞ്ഞു തുടങ്ങിയാൽ , കരിക്കഷണങ്ങൾ നന്നായി കത്തിച്ച് ഒരു ചെറിയ പാത്രത്തിൽ വെച്ച് , ഒന്നു രണ്ട് തുള്ളി വെള്ളം തളിച്ച്,ചിക്കന്റെ നടുവിൽ വെച്ച്, പാത്രം മൂടി 5 മിനിറ്റ് കരി പുകയാൻ അനുവദിക്കുക.
മൂടി മാറ്റി, കുതിർത്തു വെച്ചിരിക്കിന്ന അരി ചിക്കന്റെ മുകളിൽ നിരത്തി ഉപ്പും വിതറി കറുവാപ്പട്ട, ഗ്രാംബു,ഏലക്ക എന്നിവയും നിരത്തി, അരിയും നിരത്തിവെക്കുക. അതിലേക്ക് ½ ഗ്ലസ്സ് ചൂടു വെള്ളവും ചേർത്ത്, ഒരു അലുമിനിയം ഫോയിൽ കൊണ്ടു മൂടി, മുളകിൽ ഒരടപ്പും വെച്ചടച്ച്, 10 മിനിട്ട് നല്ല തീയും , അടുത്ത 10 മിനിട്ട് ചെറുതീയിലും മൂടി വെച്ച് വേവിക്കുക. ഇടക്ക് തുറന്ന് ആവശ്യമെങ്കിൽ അല്പം കൂടി വെള്ളം ചേർത്ത്,അരിവെന്തെന്ന് ഉറപ്പു വരുത്തുക. ശേഷം എല്ലാം ഒന്നുകൂടി ഇളക്കിയിട്ട്, മുകളിൽ മല്ലിയിൽ അരിഞ്ഞതു വിതറി വിളംബാം.സാലടും പപ്പടവും ബിരിയാണിക്കൊപ്പം കഴിക്കാം.
കുറിപ്പ് :- ചിക്കൻ ഈ പുകയിൽ വെച്ച് 5 മിനിട്ട് മൂടി വേവിക്കുംബോൾ ഒരു പുകമണം ചിക്കനിൽ വരുന്നു. ഈ ദ്ബിരിയാണി , എളുപ്പത്തിൽ തയ്യാറക്കാവുന്ന ഒരു വ്യത്യസ്ഥമായ ബിരിയാണിയായി എന്ന് വിളിക്കാം. എല്ലാ ഇലകളും ചേരുന്നതുകൊണ്ട് ഒരു പച്ച നിറവും ഉണ്ട്. അരിയും ചിക്കനും ഒരുമിച്ചു വേവിക്കുന്നതുകൊണ്ട് ഒരു പാത്രത്തിൽത്തന്നെ ഉണ്ടാക്കിയെടുക്കുകയും ചെയ്യാം.
