തളിപ്പറമ്പ്: വീടിന്റ കുളിമുറിയിൽ കയറിക്കൂടിയ പെരുമ്പാമ്പിനെ പിടികൂടി. കല്ല്യാശേരിയിലെ കൊമ്പൻ കണ്ണന്റെ വീട്ടിൽ നിന്നാണ് പെരുമ്പാമ്പിനെ പിടികൂടിയത്. ബുധനാഴ്ച രാത്രി 10 മണിയോടെയാണ് സംഭവം.

വീട്ടുകാർ വിവരം അറിയിച്ചതിനെ തുടർന്ന് മലബാർ അവയർനെസ് ആൻഡ് റെസ്‌ക്യു സെന്റർ ഫോർ വൈൽഡ് ലൈഫ് പ്രവർത്തകൻ ഷാജി ബക്കളം സ്ഥലത്തെത്തിയാണ് പെരുമ്പാമ്പിനെ പിടികൂടിയത്.ഒമ്പത് അടി നീളമുള്ള പെരുമ്പാമ്പിന് 15 കിലോ തൂക്കം വരും.

തളിപ്പറമ്പ് ഫോറസ്റ്റ് റെയിഞ്ച് ഓഫീസിൽ റിപ്പോർട്ട് ചെയ്ത് പെരുമ്പാമ്പിനെ അതിന്റെ ആവാസസ്ഥലത്തേക്ക് വിട്ടയക്കുമെന്ന് ഷാജി ബക്കളം പറഞ്ഞു.

പാമ്പ്‌പെരുമ്പാമ്പ്