വിനോദയാത്രയ്ക്കിടെ പാമ്പുകടിയേറ്റ ചങ്ങനാശേരി സ്വദേശി മരിച്ചു; യുവാവിന് പാമ്പുകടിയേറ്റത് തേനിയിൽ വച്ച്

ചങ്ങനാശേരി: വിനോദയാത്രയ്ക്കിടെ പാമ്പുകടിയേറ്റു ചികിത്സയിലായിരുന്ന യുവാവ് മരിച്ചു. തൃക്കൊടിത്താനം കൊടിനാട്ടുകുന്ന് കണ്ണംകുളം സാബു സേവ്യറിന്റെയും മേഴ്‌സിയുടെയും മകൻ ടോണി സാബു (25) ആണു മരിച്ചത്.

തേനിയിൽ മുന്തിരിത്തോട്ടത്തിൽ വ്യാഴാഴ്ചയാണു ടോണിക്കു പാമ്പുകടിയേറ്റത്. ആശുപത്രിയിൽ പ്രവേശിപ്പിച്ചെങ്കിലും വെള്ളിയാഴ്ച മരിച്ചു. സുഹൃത്തുക്കൾക്കൊപ്പമാണു ടോണി തേനിയിൽ എത്തിയത്.