തമിഴിൽ മുൻനിരനടിയായി തിളങ്ങിനിൽക്കെ വിവാഹവും കുഞ്ഞുമൊക്കെയായി കളം വിട്ട നടിയാണ് സ്‌നേഹ. പിന്നീട്അമ്മയായതിന് ശേഷം മമ്മൂട്ടിയുടെ ദി ഗ്രേറ്റ് ഫാദറിൽ നായികയായി മലയാളത്തിൽ ശക്തമായ തിരിച്ചുവരവ് നടത്തിയത്. മലയാളത്തിൽ മികച്ച കഥാപാത്രത്തിലൂടെ മടങ്ങിവരവ് നടത്തിയെങ്കിലും നടിയുടെ തമിഴ് സിനിമയിലെ മടങ്ങിവരവ് നിരാശോയെടയെന്നാണ് സൂചന.

തമിഴിൽ ഒരു മികച്ച മടങ്ങി വരവിന് കാത്തിരിക്കുകയായിരുന്ന സ്നേഹ വേലൈക്കാരൻ എന്ന ചിത്രത്തിലൂടെയാണ് ഇപ്പോൾ തിരിച്ചെത്തിയത്.. ചിത്രം നൽകുന്ന നല്ല സന്ദേശം തന്നെയായിരുന്നു സ്നേഹ അത് എറ്റെടുക്കാൻ കാരണം. എന്നാൽ ചിത്രം റിലീസായപ്പോൾ ആകെ നിരാശയിലാണ് താരം. കഷ്ടപ്പെട്ട് ഏഴു കിലോ തടി കുറക്കുകയും 18 ദിവസം ഷൂട്ടിങ് നടത്തുകയും ചെയ്തിട്ടും ഒടുക്കം സിനിമയിൽ താരം വെറും 5 മിനിട്ട് മാത്രമാണ് സിനിമയിൽ നടിയുള്ളത്.

തമിഴിലേക്ക് വർഷങ്ങൾക്ക് ശേഷം തിരിച്ചെത്തുമ്പോൾ, ലഭിക്കുന്ന വേഷം എത്രത്തോളം മികവുറ്റതാക്കാൻ കഴിയുമോ അത്രയും മികച്ചതാക്കണം എന്നായിരുന്നു ആഗ്രഹം. അതിന് വേണ്ടി എന്തിനും സ്നേഹ തയ്യാറുമായിരുന്നു.പ്രസവ ശേഷമുള്ള തടി കുറയ്ക്കാൻ പ്രയാസമാണ്. എന്നാൽ വേലൈക്കാരൻ എന്ന ചിത്രത്തിന് വേണ്ടി, ചിത്രം സമൂഹത്തിന് നൽകുന്ന സന്ദേശത്തിന് വേണ്ടി അതിന് ഞാൻ തയ്യാറയിരുന്നു. അങ്ങനെ കഷ്ടപ്പെട്ട് ഏഴ് കിലോയോളം കുറച്ചു.

പതിനെട്ട് ദിവസമാണ് എന്റെ പോർഷൻ ഷൂട്ട് ചെയ്തത്. മിക്കതും വീടിന് അകത്ത് വച്ചുള്ളത് തന്നെയായിരുന്നു. ഇടയ്ക്കിടയ്ക്ക് വേഷം മാറണം. പല ഷോട്ടുകളും ആവർത്തിച്ച് ആവർത്തിച്ച് ചെയ്യുമ്പോൾ, ഞാൻ തളർന്നുവെങ്കിലും ചിത്രവുമായി പൂർണമായും സഹകരിച്ചു.

എന്നാൽ ചിത്രം റിലീസ് ചെയ്തപ്പോൾ എനിക്ക് ഹൃദയം തകരുന്ന വേദനയാണ് ഉണ്ടായത്. 18 ദിവസം കഷ്ടപ്പെട്ട് ഷൂട്ട് ചെയ്തതിൽ അവസാനത്തെ മൂന്ന് ദിവസത്തെ രംഗങ്ങൾ മാത്രമേ സിനിമയിലുള്ളൂ. പതിനഞ്ച് മിനിട്ട് ദൈർഘ്യമെങ്കിലും എന്റെ കഥാപാത്രത്തിനുണ്ടാവുമെന്ന് കരുതിയെങ്കിലും വെറും അഞ്ച് മിനിട്ടിൽ ഒതുക്കി- സ്‌നേഹ പറയുന്നു.

കഷ്ടപ്പെട്ട് തടി കുറച്ചതൊക്കെ വെറുതെയായി. അത്തരം രംഗങ്ങളൊന്നും സിനിമയ്ക്ക് ആവശ്യമായേ വന്നില്ല. ഇപ്പോൾ എന്റെ ശരീരത്തോട് എനിക്ക് തന്നെ പരിഹാസം തോന്നുകയാണ്- താരം പറഞ്ഞു.

ചിത്രീകരണത്തിനായി സെറ്റിലെത്തിയപ്പോഴാണ് പറഞ്ഞത്, മാഡത്തിന് മേക്കപ്പ് വേണ്ട.. മുഖം സഹതാപത്തിന്റേതായിരിക്കണം എന്ന്. പക്ഷെ അക്കാര്യം കഥ പറയുമ്പോൾ പറഞ്ഞില്ല. എന്നാൽ ചിത്രം നൽകുന്ന സന്ദേശം ഓർത്ത് അതിനും തയ്യാറായി. മേക്കപ്പ് ഇടാതെ അഭിനയിക്കുന്നത് എനിക്ക് പ്രശ്നമല്ല.. പക്ഷെ പ്രസന്നതയുള്ള വേഷമാണെന്ന് പറഞ്ഞാണ് വിളിച്ചത് എന്നും താരം പറഞ്ഞു. തമിഴിൽ ബ്രേക്ക് ആവുമെന്ന് കരുതിയ വേഷത്തെ ഇങ്ങനെ ഒതുക്കി കളഞ്ഞതിന്റെ സങ്കടത്തിലും ദേഷ്യത്തിലും ആണ് താരം.