സോനം കപൂറിന്റെ മെറ്റേണിറ്റി ഫോട്ടോഷൂട്ട് ചിത്രങ്ങൾ സോഷ്യൽ മീഡിയയിൽ വൈറലാകുന്നു. വ്യത്യസ്തമായ ഔട്ട് ഫിറ്റ് അണിഞ്ഞ് ഒരു ഗ്രീക്ക് ദേവതയെ പോലെയാണ് താരം എത്തിയിരിക്കുന്നത്. വളരെ മനോഹരമായ ഓഫ് വൈറ്റ് നിറത്തിലുള്ള സ്‌കേർട്ടും ടോപ്പുമാണ് താരത്തിന്റെ വേഷം.

ഓഫ് വൈറ്റ് നിറത്തിലുള്ള സാറ്റൻ മെറ്റീരിയലിലാണ് ഔട്ട്ഫിറ്റ് ഒരുക്കിയിരിക്കുന്നത്. മുത്തുകളും ചെറിയ സീക്വൻസുകളും പിടിപ്പിച്ച സ്‌കർട്ടും അതിന് ചേരുന്ന രീതിയിൽ മുത്തുകൾ പിടിപ്പിച്ച് പല ലെയറുകളായി ഡിസൈൻ ചെയ്തിരിക്കുന്ന ടോപ്പുമാണ് താരം ധരിച്ചിരിക്കുന്നത്. ഒരു ഗ്രീക്ക് ദേവതയെ പോലെ അതീവ സുന്ദരിയായാണ് സോനത്തിനെ ചിത്രത്തിൽ കാണുന്നത്. വസ്ത്രത്തിന്റെ ഡിസൈനർ ബ്രാൻഡായ അബു ജാനി സന്ദീപ് ഖോക്ലയാണ് ഇൻസ്റ്റഗ്രാമിലൂടെ ചിത്രങ്ങൾ പങ്കുവച്ചിരിക്കുന്നത്. ചിത്രത്തോടൊപ്പം സോനത്തിന് ഇവർ ആശംസകളും നേർന്നിരുന്നു.