സംഗീത പ്രേമികൾക്കായി മധുരം നിറയുന്ന ഓണപ്പാട്ടുകളുമായി പഞ്ചമം ക്രീയേഷൻസിന്റെ 'ഉത്രാടപൂത്തുമ്പി'. ഭരണിക്കാവ് പ്രേംകൃഷ്ണയുടെയും , സുമേഷ് കുറ്റിപ്പുറത്തിന്റെയും വരികൾക്ക് ഡോക്ടർ ജയേഷ് കുമാർ സംഗീതം നൽകിയിരിക്കുന്നു. പ്രശസ്ത ഗായകൻ കെ.എസ്സ് .സുദീപ്കുമാർ ആലപിച്ച 'ഉത്രാടമേ ' എന്ന ഗാനം ഇതിനോടകം തന്നെ ഹിറ്റ് ആയി കഴിഞ്ഞു. ഈ ഗാനത്തിന്റെ രചന നിർവഹിച്ചിരിക്കുന്നത് ഭരണിക്കാവ് പ്രേംകൃഷ്ണയാണ്. സുമേഷ് കുറ്റിപ്പുറം രചിച്ച 'മലർ വിരിയും മലനാടെ' എന്ന ഗാനവും ആസ്വാദക ശ്രദ്ധ നേടിയ മറ്റൊരു ഗാനമാണ്.

പ്രശസ്ത ഗായകനയായ കെ.എസ്സ്. സുദീപ് കുമാറിനൊപ്പം, ബിനു ആനന്ദ്, പ്രവീണ അനൂപ്, ശോഭ ശരത്, എസ് .അനന്തപത്മനാഭനും ഒപ്പം സംഗീത സംവിധായകനായ ഡോക്ടർ ജയേഷ് കുമാറും ഗാനങ്ങൾ ആലപിച്ചിട്ടുണ്ട്. ആലപ്പുഴ ഗാനപ്രിയയിൽ റെക്കോർഡ് ചെയ്ത ഗാനങ്ങൾക്ക് പുല്ലാങ്കുഴൽ വായിച്ചിരിക്കുന്നത് പ്രശസ്ത കലാകാരനായ ജോസ്സി ആലപ്പുഴയാണ്. സി.എസ്സ് .സനൽകുമാർ ഓർക്കസ്‌ട്രേഷനും പ്രോഗ്രാമിങ്ങും നിർവഹിച്ചിരിക്കുന്ന ആൽബത്തിൽ അനൂപ് ആനന്ദ് (AJ മീഡിയ ചേർത്തല ) മിക്‌സിങ് & മാസ്റ്ററിങ് നിർവഹിച്ചിരിക്കുന്നു. പ്രോഗ്രാം ഡയറക്ടർ ജി.രാജേഷ്.

 

പാട്ട്