പാട്ടും ഡാൻസുമായി തെന്നിന്ത്യൻ നായികമാർ; ഏറ്റെടുത്ത് സോഷ്യൽ മീഡിയ; വൈറലാകുന്ന സം​ഗീത ആൽബം കാണാം

തെന്നിന്ത്യൻ നായികമാർ അണിനിരക്കുന്ന മ്യൂസിക് വിഡിയോ വൈറലാകുന്നു. മാർ​ഗഴി തിങ്കൾ എന്ന തമിഴ് ​ഗാനവുമായാണ് മലയാളത്തിലെയും തമിഴിലെയും ഒരു കൂട്ടം ​നായികമാർ എത്തുന്നത്. മാർ​ഗഴി തിങ്കൾ എന്ന തമിഴ്​ഗാനം ഈ സം​ഗീത ആൽബത്തിലൂടെ പുനരാവിഷ്കരിച്ചിരിക്കുകയാണ് സുഹാസിനി. സുഹാസിനി തന്നെയാണ് നിർമ്മാണം

സോഷ്യൽ മീഡിയയിൽ ശ്രദ്ധേയമാവുകയാണ് വിഡിയോ. ശോഭന, രേവതി, സുഹാസിനി, കനിഹ, നിത്യ മേനോൻ, രമ്യ നമ്പീശൻ, അനു ഹാസൻ, ജയശ്രീ തുടങ്ങി മലയാളത്തിലെയും തമിഴിലെയും പ്രിയനായികമാരും ​ഗായിക ഉമ അയ്യരും ഒരുമിച്ച സം​ഗീത ആൽബം സൈബർ ലോകം ഏറ്റെടുത്ത് കഴിഞ്ഞു. രേവതി, സുഹാസിനി, കനിഹ, നിത്യ മേനോൻ, രമ്യ നമ്പീശൻ, അനു ഹാസൻ, ജയശ്രീ എന്നിവരാണ് പാട്ടുപാടുന്നത്. ഇവർക്കൊപ്പം ഗായിക ഉമ അയ്യരുമുണ്ട്. കൂടാതെ പ്രിയ നായികമാരുടെ ​ഗാനത്തിന് ചുവടുവെച്ച് ശോഭനയും വിഡിയോയിൽ നിറഞ്ഞു നിൽക്കുന്നുണ്ട്.