തിരുവനന്തപുരം: യാത്രക്കാരുടെ തിരക്ക് പരിഗണിച്ച് കൊച്ചുവേളിയിൽനിന്നു ലോക്മാന്യ തിലകിലേക്കും തിരിച്ചും റെയിൽവെ സ്‌പെഷൽ ട്രെയിൻ ഓടിക്കും. 30ന് പുലർച്ചെ 4.30നു കൊച്ചുവേളിയിൽനിന്നു പുറപ്പെടുന്ന ട്രെയിൻ (06159) അടുത്ത ദിവസം ലോക്മാന്യതിലകിലെത്തും. 31നു ഉച്ചയ്ക്കു 2.20നു ലോക്മാന്യതിലകിൽനിന്നു പുറപ്പെടുന്ന ട്രെയിൻ (06160) അടുത്ത ദിവസം കൊച്ചുവേളിയിൽ എത്തും. കോട്ടയം വഴി ഓടുന്ന ട്രെയിൻ കൊങ്കൺ പാത വഴിയായിരിക്കും സർവീസ് നടത്തുക.