സുരക്ഷാ ആവശ്യം ഉന്നയിച്ച് സ്‌റ്റേറ്റ് ഹൈവേ 5 ആയ നേപ്പിയർ ടൗപ്പോ റോഡിലെ വേഗത 100 ൽ നിന്ന് 80 ആക്കി കുറയ്ക്കാൻ നിർദ്ദേശം. 2010 നും 2019 നും ഇടയിൽ എസ്എച്ച് 5 അപകടത്തിൽ 16 പേർ കൊല്ലപ്പെടുകയും 75 പേർക്ക് ഗുരുതരമായി പരിക്കേൽക്കുകയും ചെയ്തതായി എൻഎസ്ടിഎ കണക്കുകൾ വ്യക്തമാക്കുന്നു. വേഗത മൂലം ഉണ്ടാകുന്ന അപകടം കുറയ്ക്കുന്നതിനാണ് വേഗത കുറയ്ക്കാൻ നിർദ്ദേശം ഉയർത്തുന്നത്.

SH51 നായി 100 കിലോമീറ്റർ മുതൽ 80 കിലോമീറ്റർ വരെ (നേപ്പിയർ മുതൽ ക്ലൈവ് വരെ)ക്ലൈവിനും വൈപാറ്റുവിനും സമീപം 70 കിലോമീറ്റർ മുതൽ 60 കിലോമീറ്റർ വരെ വേഗത വേണമെന്നാണ് നിർദ്ദേശം മുന്നോട്ട് വച്ചിരിക്കുന്നത്.സംസ്ഥാനപാത 51 ലെ വേഗത പരിധി ഹേസ്റ്റിങ്‌സിലെ വൈപാട്ടു മുതൽ നേപ്പിയറിലെ മറൈൻ പിഡെ വരെ 100 കിലോമീറ്റർ / മണിക്കൂറിൽ നിന്ന് 80 കിലോമീറ്ററായി കുറയ്ക്കാനുള്ള നിർദ്ദേശവും ഉയർന്നിട്ടുണ്ട്.

2010 മുതൽ രണ്ട് സംസ്ഥാനപാതകളിൽ ഉണ്ടായ അപകടങ്ങളിൽ 150 ലധികം ആളുകൾക്ക് ജീവൻ നഷ്ടപ്പെടുകയോ ഗുരുതരമായി പരിക്കേൽക്കുകയോ ചെയ്തുവെന്നാണ് കണക്ക്. പൊതുജനങ്ങൾക്ക് അഭിപ്രായം രേഖപ്പെടുത്താൻ അവസരം ഒരുക്കിയിട്ടുണ്ട്. മെയ് 9 ന് രാത്രി 11 ന് അഭിപ്രായം രേഖപ്പെടുത്താം.

 

സ്‌റ്റേറ്റ് ഹൈവേ 5