ദോഹ : ഖത്തറിലെ പ്രമുഖ എഞ്ചിനിയറിങ് കമ്പനിയായ അക്കോൺടെക് എഞ്ചിനിയറിങ് ഖത്തർ ദേശീയ കായിക ദിനം സമുചിതമായി ആഘോഷിച്ചു. കമ്പനിയുടെ വുകൈർ കോമ്പൗണ്ടിൽ നടന്ന ചടങ്ങ് അക്കോൺ ഗ്രൂപ്പ് വെഞ്ച്വഴ്സ് ചെയർമാൻ ശുക്കൂർ കിനാലൂർ ഉദ്ഘാടനം ചെയ്തു.

ആരോഗ്യകരമായ ജീവതശൈലി മെച്ചപ്പെടുത്തി കർമ്മരംഗത്തും ജീവിതമേഖലകളിലും സജീവമായി നിലകൊള്ളുക എന്നതാണ് കായികദിനം ഓർമ്മപ്പെടുത്തുന്നതെന്ന് അദ്ദേഹം പറഞ്ഞു.

അക്കോൺ ഗ്രൂപ്പ് സിഇഒ പി.എ മുഹമ്മദ് ഷബീർ, ജനറൽ മാനേജർ മുഹമ്മദ് അസ്ലം എന്നിവർ പരിപാടിക്ക് നേതൃത്വം നൽകി. ഓട്ട മത്സരം, റിലേ, കമ്പവലി തുടങ്ങിയ വിവിധ പരിപാടികളിൽ കമ്പനിയിലെ മിക്ക ജീവനക്കാരും പങ്കെടുത്തു. വിജയികൾക്ക് ട്രോഫികളും ക്യാഷ് അവാർഡുകളും ചെയർമാൻ വിതരണം ചെയ്തു