നായകന്റെ ഇന്നിങ്‌സുമായി ഹഷ്മത്തുള്ള ഷാഹിദി; പിന്തുണച്ച് അസ്മതുള്ള ഒമർസായ്; സെഞ്ചുറി കൂട്ടുകെട്ടും; നാല് വിക്കറ്റുമായി ബുമ്ര; 273 റൺസ് വിജയലക്ഷ്യമുയർത്തി അഫ്ഗാനിസ്ഥാൻ
ന്യൂഡൽഹി: ഏകദിന ലോകകപ്പ് മത്സരത്തിൽ ഇന്ത്യയ്ക്കെതിരേ 273 റൺസ് വിജയലക്ഷ്യമുയർത്തി അഫ്ഗാനിസ്ഥാൻ. ടോസ് നേടി ബാറ്റിങ് തിരഞ്ഞെടുത്ത അഫ്ഗാൻ 50 ഓവറിൽ എട്ടു വിക്കറ്റ് നഷ്ടത്തിൽ 272 റൺസെടുത്തു. നാല് വിക്കറ്റ് വീഴ്‌ത്തിയ ജസ്പ്രീത് ബുംറയും രണ്ട് വിക്കറ്റെടുത്ത ഹാർദിക് പാണ്ഡ്യയുമാണ് അഫ്ഗാനെ പിടിച്ചുകെട്ടിയത്. ഒരു ഘട്ടത്തിൽ മുന്നൂറ് കടക്കുമെന്ന് തോന്നിച്ച അഫ്ഗാൻ സ്‌കോർ അവസാന ഓവറുകളിലെ മികച്ച ബൗളിങ്ങോടെ ഇന്ത്യ 272-ൽ ഒതുക്കുകയായിരുന്നു.
63 റൺസെടുക്കുന്നതിനിടെ അഫ്ഗാന് ഇബ്രാഹിം സദ്രാൻ (22), റഹ്‌മാനുള്ള ഗുർബാസ് (21), റഹ്‌മത്ത് ഷാ (16) എന്നിവരെ നഷ്ടമായി പ്രതിരോധത്തിലായിരുന്നു അഫ്ഗാൻ. എന്നാൽ പിന്നീട് ക്രീസിൽ ഒന്നിച്ച ക്യാപ്റ്റൻ ഹഷ്മത്തുള്ള ഷാഹിദി - അസ്മത്തുള്ള ഒമർസായ് സഖ്യം ഇന്ത്യൻ ബൗളർമാരെ വെള്ളം കുടിപ്പിച്ചു. നാലാം വിക്കറ്റിൽ 121 റൺസ് കൂട്ടിച്ചേർത്ത ഈ സഖ്യമാണ് അഫ്ഗാൻ ഇന്നിങ്സിന്റെ നട്ടെല്ല്.
88 പന്തിൽനിന്ന് 80 റൺസെടുത്ത ഷാഹിദിയാണ് അഫ്ഗാൻ നിരയിലെ ടോപ് സ്‌കോറർ. 69 പന്തുകൾ നേരിട്ട ഒമർസായ് 62 റൺസെടുത്തു. 35-ാം ഓവറിൽ ഒമർസായിയെ മടക്കി ഹാർദിക് പാണ്ഡ്യയാണ് ഈ കൂട്ടുകെട്ട് പൊളിച്ചത്. പിന്നാലെ മുഹമ്മദ് നബി (19), നജീബുള്ള സദ്രാൻ (2), റാഷിദ് ഖാൻ (16) എന്നിവരെ വേഗം പുറത്താക്കി ഇന്ത്യ സ്‌കോറിങ് പിടിച്ചുനിർത്തി. മുജീബ് ഉർ റഹ്‌മാൻ (10*), നവീൻ ഉൾ ഹഖ് (9*) എന്നിവർ പുറത്താകാതെ നിന്നു.
മോശം തുടക്കമായിരുന്നു അഫ്ഗാനിസ്ഥാന് ലഭിച്ചത്. 63 റൺസെടുക്കുന്നതിനെ അവർക്ക് മൂന്ന് വിക്കറ്റ് നഷ്ടമായി. മുൻനിര താരങ്ങളായ ഇബ്രാഹിം സദ്രാൻ (22), റഹ്‌മാനുള്ള ഗുർബാസ് (21), റഹ്‌മത്ത് ഷാ (16) എന്നിവരുടെ വിക്കറ്റുകൾ വേഗത്തിൽ നഷ്ടമായി. സദ്രാനെ, ജസപ്രിത് ബുമ്ര വിക്കറ്റ് കീപ്പർ കെ എൽ രാഹുലിന്റെ കൈകളിലെത്തിച്ചു. 13-ാം ഓവറിൽ ഗുർബാസിന് ഹാർദിക്കും മടക്കി. റഹ്‌മത്ത് ആവട്ടെ ഷാർദുൽ താക്കൂറിന്റെ പന്തിൽ വിക്കറ്റിന് മുന്നിൽ കുടുങ്ങി. പിന്നീട് ഷാഹിദി - ഓമർസായ് സഖ്യം അഫ്ഗാനെ കരകയറ്റുകയായിരുന്നു. 20 ഓവറിൽ കൂടുതൽ ബാറ്റ് ചെയ്ത ഇരുവരും 121 റൺസ് കൂട്ടിചേർത്തു. കുൽദീപ് യാദവാണ് കൂട്ടുകെട്ട് പൊളിച്ചത്.
ഷാഹിദി കുൽദീപിന്റെ പന്തിൽ വിക്കറ്റിന് മുന്നിൽ കുടങ്ങി. എട്ട് ഫോറും ഒരു സിക്സും ഉൾപ്പെടുന്നതായിരുന്നു ഷാഹിദിയുടെ ഇന്നിങ്സ്. പിന്നീട് മുഹമ്മദ് നബിക്കൊപ്പം (41) റൺസ് കൂട്ടിർത്ത് ഒമർസായ് മടങ്ങി. നബിയെ, ബുമ്ര വിക്കറ്റിന് മുന്നിൽ കുടുക്കി. പിന്നീടെത്തിയ ആർക്കും തിളങ്ങാനായില്ല. നജീബുള്ള സദ്രാൻ (2), റാഷിദ് ഖാൻ (16) എന്നിവരാണ് പുറത്തായ മറ്റുതാരങ്ങൾ. മുജീബ് ഉർ റഹ്‌മാൻ (10), നവീൻ ഉൾ ഹഖ് (9) പുറത്താവാതെ നിന്നു. ഷാർദുൽ, കുൽദീപ് എന്നിവർ ഓരോ വിക്കറ്റ് നേടി. ഒമ്പത് ഓവറിൽ 76 റൺസ് വഴങ്ങിയ സിറാജിന് ഒരു വിക്കറ്റ് പോലും വീഴ്‌ത്താൻ സാധിച്ചില്ല.
