ചെന്നൈ: ഈ ലോകകപ്പ് ക്രിക്കറ്റിലെ ആദ്യ ത്രില്ലർ മത്സരത്തിൽ ദക്ഷിണാഫ്രിക്കയ്ക്ക് വിജയം. ആവേശം അലതല്ലിയ മത്സരത്തിൽ പാക്കിസ്ഥാനെ ഒരു വിക്കറ്റിന് തോൽപ്പിച്ചാണ് ദക്ഷിണാഫ്രിക്ക കരുത്തു കാട്ടിയത. തോൽവിയോടെ പാക്കിസ്ഥാന്റെ സെമി മോഹനങ്ങൾ മങ്ങി. ഇനി ഒരു തോൽവി കൂടി ആയാൽ ബാബർ അസമിനും കൂട്ടർക്കും നാട്ടിലേക്ക് മടങ്ങാം.

ടോസ് നേടി ബാറ്റിങ് തിരഞ്ഞെടുത്ത പാക്കിസ്ഥാൻ 46.4 ഓവറിൽ 270ന് എല്ലാവരും പുറത്തായി. മറുപടി ദക്ഷിണാഫ്രിക്ക 47.2 ഓവറിൽ ഒമ്പത് വിക്കറ്റ് നഷ്ടത്തിൽ ലക്ഷ്യം മറികടന്നു. നേരത്തെ നാല് വിക്കറ്റ് നേടിയ ടബ്രൈസ് ഷംസിയാണ് പാക്കിസ്ഥാനെ നിയന്ത്രിച്ചുനിർത്തിയത്. മാർക്കോ ജാൻസന് മൂന്ന് വിക്കറ്റെടുത്തു. സൗദ് ഷക്കീൽ (52), ബാബർ അസം (50), ഷദാബ് ഖാൻ (43) എന്നിവരാണ് പാക്കിസ്ഥാന്റെ പ്രധാന സ്‌കോറർമാർ.

മറുപടി ബാറ്റിംഗിന് ഇറങ്ങിയ ദക്ഷിണാഫ്രിക്ക 91 റൺസ് നേടിയ എയ്ഡൻ മാർക്രത്തിന്റെ കരുത്തിലാണ് വിജയം നേടിയത്. മോശം തുടക്കമാണ് തുടക്കമാണ് ദക്ഷിണാഫ്രിക്കയ്ക്ക് ലഭിച്ചത്. 67 റൺസിനിടെ ഓപ്പണർമാരായ ക്വിന്റൺ ഡി കോക്ക് (24), തെംബ ബവൂമ (28) എന്നിവരുടെ വിക്കറ്റുകൾ ദക്ഷിണാഫ്രിക്കയ്ക്ക് നഷ്ടമായി. എന്നാൽ നാലാം വിക്കറ്റിൽ റാസി വാൻ ഡർ ഡസ്സൻ (21) മാർക്രം സഖ്യം 54 റൺസ് കൂട്ടിചേർത്തു. എന്നാൽ കൺക്കഷൻ സബ്സ്റ്റിറ്റിയൂട്ടായി ഇറങ്ങിയ ഉസാമ മിറിന്റെ പന്തിൽ ഡസ്സൻ പുറത്തായി. ഹെന്റിച്ച് ക്ലാസൻ (12), ഡേവിഡ് മിില്ലർ (29), മാർകോ ജാൻസൻ (20) എന്നിവർ കൃത്യമായ ഇടവേളകളിൽ മടങ്ങി. ഇതിനിടെ മാർക്രവും ജെറാൾഡ് കോട്സീയും (10) പുറത്ത്. ഇതോടെ ദക്ഷിണാഫ്രിക്ക എട്ടിന് 250 എന്ന നിലയിലായി.

എന്നാൽ കേശവ് മഹാരാജ് (7) ടബ്രൈസ് ഷംസി (4) സഖ്യംദക്ഷിണാഫ്രിക്കയെ വിജയത്തിലേക്ക് നയിച്ചു. ഇതിനിടെ ലുംഗ് എൻഗിഡി (4) വിക്കറ്റും ദക്ഷിണാഫ്രിക്കയ്ക്ക് നഷ്ടമായിരുന്നു. പാക്കിസ്ഥാന് വേണ്ടി ഷഹീൻ അഫ്രീദി മൂന്ന് വിക്കറ്റ് വീഴ്‌ത്തി. മുഹമ്മദ് വസീം, ഉസാമ മിർ എന്നിവർക്ക് രണ്ട് വിക്കറ്റ് വീതമുണ്ട്. ഹാരിസ് റൗഫ് ഒരു വിക്കറ്റ് വീഴ്‌ത്തി. നേരത്തെ, മോശം തുടക്കമായിരുന്നു പാക്കിസ്ഥാന്. 38 റൺസെടുക്കുന്നതിനിടെ അവർക്ക് ഓപ്പണർമാരായ അബ്ദുള്ള ഷെഫീഖ് (9), ഇമാം ഉൾ ഹഖ് (12) എന്നിവരുടെ വിക്കറ്റുകൾ നഷ്ടമായി. ജാൻസനാണ് ഇരുവരേയും മടക്കിയത്. നാലാം വിക്കറ്റിൽ ബാബർ - മുഹമ്മദ് റിസ്വാൻ (27 പന്തിൽ 31) സഖ്യം 48 റൺസ് കൂട്ടിചേർത്തു. എന്നാൽ റിസ്വാൻ ജെറാൾഡ് കോട്സീയുടെ പന്തിൽ ക്വിന്റൺ ഡി കോക്കിന് ക്യാച്ച് നൽകി. പിന്നീട് പാക്കിസ്ഥാൻ മധ്യനിര ഷംസി തകർത്തെറിഞ്ഞു.

ഇഫ്തിഖർ അഹമ്മദിനെയാണ് (21) ഷംസി ആദ്യം മടങ്ങുന്നത്. പിന്നാലെ ബാബറിനേയും തിരിച്ചയച്ചു. നാല് ഫോറും ഒരു സിക്സും ഉൾപ്പെടുന്നതായിരുന്നു ഇന്നിങ്സ്. ഇതോടെ അഞ്ചിന് 141 എന്ന നിലയിലായി പാക്കിസ്ഥാൻ. എന്നാൽ ഷദാബിനെ കൂട്ടുപിടിച്ച് ഷക്കീൽ രക്ഷാപ്രവർത്തനം നടത്തി. ഇരുവരും 84 റൺസ് കൂട്ടിചേർത്തു. എന്നാൽ ഷദാബിനെ പുറത്താക്കി കോട്സീ ബ്രേക്ക് ത്രൂ നൽകി. ഷക്കീലിനെ ഷംസിയും മടക്കി. ഷഹീൻ അഫ്രീദിയെ കൂടി പുറത്താക്കി ഷംസി നാല് വിക്കറ്റ് പൂർത്തിയാക്കി. ഇതിനിടെ മുഹമ്മദ് നവാസിന്റെ 24 റൺസ് 250 കടക്കാൻ സഹായിച്ചു. മുഹമ്മദ് വസീമാണ് (7) പുറത്തായ മറ്റൊരു താരം. ഹാരിസ് റൗഫ് (0) പുറത്താവാതെ നിന്നു.

 

സ്പോർട്സ് ഡെസ്ക്

    സ്പോർട്സ് ഡെസ്ക്