'നിങ്ങളുടെ പിന്തുണ അതിശയിപ്പിക്കുന്നതായിരുന്നു'; വിവിധ രാജ്യങ്ങൾക്കൊപ്പം കേരളത്തിനും പേരെടുത്ത് പ്രത്യേകം നന്ദി പറഞ്ഞ് അർജന്റീന; ഫുട്‌ബോൾ അസോസിയേഷന്റെ ട്വീറ്റിന് നന്ദി അറിയിച്ച് കേരളത്തിലെ ആരാധകരും
ബ്യൂണസ് ഐറിസ്: ലോകകപ്പിൽ അർജന്റീന ടീമിനെ പിന്തുണച്ചതിന് കേരളത്തിന്റെ പേര് എടുത്ത് നന്ദി പറഞ്ഞ് അർജന്റീന ഫുട്‌ബോൾ അസോസിയേഷൻ. ഇന്ത്യ, പാക്കിസ്ഥാൻ, ബംഗ്ലാദേശ് ആരാധകർക്ക് നന്ദി പറഞ്ഞുള്ള പോസ്റ്റിലാണ് കേരളത്തിന്റെയും പേരെടുത്ത് പറഞ്ഞ് അർജന്റീന ഫുട്‌ബോൾ അസോസിയേഷൻ നന്ദി രേഖപ്പെടുത്തിയത്.
അർജന്റീനയുടെ വിജയം ആഘോഷിക്കുന്ന ബംഗ്ലാദേശിലെ ആരാധകരുടെ വീഡിയോ റീ ട്വീറ്റ് ചെയ്തുകൊണ്ടാണ് അസോസിയേഷൻ ഇക്കാര്യം പറഞ്ഞത്.നന്ദി ബംഗ്ലാദേശ്, നന്ദി കേരളം, ഇന്ത്യ, പാക്കിസ്ഥാൻ. നിങ്ങളുടെ പിന്തുണ അതിശയിപ്പിക്കുന്നതായിരുന്നു, ബംഗ്ലാദേശിലെ ആരാധകരുടെ വീഡിയോ റീ ട്വീറ്റ് ചെയ്തുകൊണ്ട് അർജന്റീന ഫുട്‌ബോൾ അസോസിയേഷൻ ഔദ്യോഗിക ട്വിറ്റർ അക്കൗണ്ടിൽ കുറിച്ചു.
#Qatar2022
- ???????? Selección Argentina ⭐⭐⭐ (@Argentina) December 19, 2022
Thank you Bangladesh ????
Thank you Kerala, India, Pakistan. Your support was wonderful! https://t.co/GvKwUP2hwJ
ഇതിന് താഴെ കേരളത്തിൽ നിന്നടക്കം നിരവധി അർജന്റീന ആരാധകരാണ് കമന്റുമായി എത്തിയത്. വിവിധ രാജ്യങ്ങൾക്കൊപ്പം തങ്ങളുടെ പേരും എടുത്ത് പറഞ്ഞതിന് തിരിച്ചും നന്ദിയെന്നും അർജന്റീനയോടുള്ള ഈ സ്‌നേഹം തുടർന്നും കൊണ്ടുനടക്കുമെന്നൊക്കെ ട്വീറ്റ് താഴെ മറുപടികളായി എത്തുന്നുണ്ട്.
ഇന്നലെ രാത്രി ലുസൈൽ സ്റ്റേഡിയത്തിൽ നടന്ന ഫൈനലിൽ ഫ്രാൻസിനെ ഷൂട്ടൗട്ടിൽ പരാജയപ്പെടുത്തിയാണ് അർജന്റീന ലോക കിരീടം നേടിയത്. അർജന്റീന ക്യാപ്റ്റൻ ലയണൽ മെസിയാണ് ടൂർണമെന്റിലെ താരത്തിനുള്ള ഗോൾഡൻ ബോൾ സ്വന്തമാക്കിയത്. ഫ്രഞ്ച് താരം കിലിയൻ എംബാപ്പെക്കാണ് ഗോൾഡൻ ബൂട്ട്. അർജന്റീന ഗോൾകീപ്പർ എമിലിയാനോ മാർട്ടിനസാണ് ഗോൾഡൻ ഗ്ലൗ നേടിയത്.
