ആദ്യ ഗോളിന് മൊളീനയ്ക്ക് വഴിയൊരുക്കി; രണ്ടാം പകുതിയിൽ പെനാൽട്ടി വലയിലെത്തിച്ചു; മെസി ഒരുക്കിയ സൂപ്പർ ത്രില്ലർ; ഇൻജറി ടൈമിൽ ആന്റി ക്ലൈമാക്‌സായി ഡച്ച് പടയുടെ സമനില ഗോൾ; ഇരട്ട ഗോളുമായി വൗട്ട് വെഗ്ഹോസ്റ്റ്; ലോകകപ്പ് ക്വാർട്ടർ പോരാട്ടം അധിക സമയത്തേക്ക്
ദോഹ: ആദ്യവസാനം ആവേശം നിറഞ്ഞ ലോകകപ്പ് ക്വാർട്ടർ പോരാട്ടത്തിൽ നെതർലൻഡ്‌സും അർജന്റീനയും രണ്ട് ഗോൾ വീതം അടിച്ച് സമനില പാലിച്ചതോടെ മത്സരം അധിക സമയത്തേക്ക്. അർജന്റീന ജയമുറപ്പിച്ച ഘട്ടത്തിൽ ഇൻജുറി ടൈമിൽ വീണു കിട്ടിയ പെനാൽറ്റി വലയിലെത്തിച്ചാണ് നെതർലൻഡ്സ് ഒപ്പമെത്തിയത്.
ആദ്യ പകുതിയിൽ മൊളീനയും രണ്ടാം പകുതിയിൽ പെനാൽട്ടിയിലൂടെ മെസ്സിയുമാണ് നീലപ്പടക്കായി ഗോൾ നേടിയത്. പരുക്കൻ അടവുകൾ കയ്യാങ്കളി വരെ എത്തിയ മത്സരത്തിൽ അർജന്റീനയ്ക്കെതിരെ അവസാന നിമിഷം നേടിയ സമനില ഗോളാണ് മത്സരം എക്‌സ്ട്രാ ടൈമിലേക്കു നീട്ടാൻ നെതർലൻഡ്‌സിന് വഴി ഒരുക്കിയത്. ഇൻജറി ടൈമിന്റെ അവസാന മിനിറ്റിൽ അർജന്റീന ബോക്സിൽ ലഭിച്ച ഫ്രീകിക്ക് ലക്ഷ്യത്തിലെത്തിച്ചാണ് നെതർലൻഡ്സ് മത്സരത്തിൽ ആയുസ് നീട്ടിയെടുത്തത്.
നെതർലൻഡ്‌സിനായി പകരക്കാരൻ താരം വൗട്ട് വെഗ്ഹോസ്റ്റ് ഇരട്ടഗോൾ നേടി. 83, 90പ്ലസ് വൺ0 മിനിറ്റുകളിലായിരുന്നു വെഗ്‌ഹോസ്റ്റിന്റെ ഗോളുകൾ. അർജന്റീനയ്ക്കായി അർജന്റീനയ്ക്കായി നഹുവേൽ മൊളീന (35ാം മിനിറ്റ്), സൂപ്പർതാരം ലയണൽ മെസ്സി (73ാം മിനിറ്റ്, പെനൽറ്റി) എന്നിവരാണ് ലക്ഷ്യം കണ്ടത്.
രണ്ടാം പകുതിയിൽ 73ാം മിനുട്ടിലാണ് മെസ്സി പെനാൽട്ടിയിലൂടെ ഗോളടിച്ചത്. അക്യൂനയെ ബംഫ്രിസ് വീഴ്‌ത്തിയതിനാണ് പെനാൽട്ടി ലഭിച്ചത്. 38ാം മിനുട്ടിൽ നായകൻ ലയണൽ മെസ്സിയുടെ പാസിലാണ് മൊളീന വലകുലുക്കിയത്. മത്സരത്തിൽ ഇരുടീമുകളും പ്രതിരോധത്തിൽ ഊന്നിയാണ് കളിച്ചിരുന്നത്. എന്നാൽ മെസ്സിയുടെ ഇടപെടൽ മത്സരത്തിന്റെ ഗതി മാറ്റുകയായിരുന്നു. ഗോളി നോപ്പെർട്ടിനും ബ്ലിൻഡിനുമിടയിലൂടെ മൊളീന പന്ത് വലയിലെത്തിച്ചു.
അതിനിടെ, മത്സരത്തിൽ തുടർച്ചയായ മിനുട്ടുകളിൽ മൂന്നു താരങ്ങൾ മഞ്ഞക്കാർഡ് കണ്ടു. 43ാം ജൂറിൻ ടിംബെർ, 44ാം മിനുട്ടിൽ മാർകസ് അക്യൂന, 45ാം മിനുട്ടിൽ ക്രിസ്റ്റിയൻ റൊമേരേ എന്നിവരാണ് മഞ്ഞക്കാർഡ് കണ്ടത്. റൊമേരോക്ക് മഞ്ഞക്കാർഡ് കിട്ടിയത് പന്ത് കൈകൊണ്ട് തട്ടിയതിനായിരുന്നു. ശേഷം 48ാം മിനുട്ടിൽ നെതർലൻഡ് സബ് സ്ട്രൈക്കർ വോട്ട് വേഗ്ഹോസ്റ്റും മഞ്ഞക്കാർഡ് നേരിട്ടു. 76ാം മിനുട്ടിൽ ഇരുടീമിലെയും ഓരോ താരങ്ങൾ കൂടി മഞ്ഞക്കാർഡ് വാങ്ങി. ലിസാൻഡ്രോ മാർടിനെസും ഡിപേയുമാണ് നടപടി ഏറ്റുവാങ്ങിയത്.
50ാം മിനുട്ടിൽ മിസ്സ് പാസിൽ നിന്ന് ലഭിച്ച പന്ത് ഡെ പോൾ മെസ്സിക്ക് മുമ്പിലായി ഡച്ച് പോസ്റ്റിലേക്ക് അടിച്ചെങ്കിലും നോപ്പെർട്ട് കൈവശപ്പെടുത്തി. 63ാം മിനുട്ടിൽ മെസ്സിയെടുത്ത ഫ്രീകിക്ക് ഡച്ച് പോസ്റ്റിനെ തൊട്ടുരുമ്മി കടന്നുപോയി. അതേസമയം, 59ാം മിനുട്ട് വരെ നെതർലൻഡ്സ് എതിർടീമിന്റെ ബോക്സിൽ ഒരു ഷോട്ട് പോലും ഉതിർത്തിട്ടില്ല.
ലയണൽ മെസ്സിയുടെ രണ്ടാം ഗോളോടെ അർജന്റീന അനായാസം ജയിച്ചു കയറുമെന്ന പ്രതീതി നിലനിൽക്കെയാണ് നെതർലൻഡ്സ് ഒരു ഗോൾ മടക്കിയത്. 83ാം മിനിറ്റിൽ പകരക്കാരൻ താരം വൗട്ട് വെർഗ്‌ഹോസ്റ്റാണ് ലക്ഷ്യം കണ്ടത്. ബോക്‌സിനു പുറത്തുനിന്ന് മറ്റൊരു പകരക്കാരൻ താരം സ്റ്റീവൻ ബെർഗ്യൂസ് ഉയർത്തിവിട്ട തകർപ്പൻ ക്രോസിലേക്ക് ഉയർന്നുചാടി തലവച്ച വെർഗ്‌ഹോസ്റ്റ്, പന്തിന് ഗോളിലേക്കു വഴികാട്ടി.
73ാം മിനിറ്റിൽ പെനൽറ്റിയിൽനിന്നാണ് സൂപ്പർതാരം ലയണൽ മെസ്സി അർജന്റീനയുടെ രണ്ടാം ഗോൾ നേടിയത്. പെനൽറ്റി ബോക്‌സിനുള്ളിൽ അർജന്റീന താരം മാർക്കോസ് അക്യൂനയെ ഡെൻസൽ ഡംഫ്രിസ് വീഴ്‌ത്തിയതിനായിരുന്നു പെനൽറ്റി. അർജന്റീനയുടെ ആദ്യ ഗോൾ നഹുവേൽ മൊളീന നേടി. രണ്ടാം ഗോൾ നേടിയ ലയണൽ മെസ്സിയാണ് ആദ്യ ഗോളിനു വഴിയൊരുക്കിയത്.
നെതർലൻഡ്സ് ബോക്‌സിലേക്ക് അർജന്റീന നടത്തിയ മുന്നേറ്റം ഫൗളിലും പെനൽറ്റിയിലും കലാശിച്ചതോടെയാണ് അർജന്റീനയുടെ രണ്ടാം ഗോളിനു വഴിയൊരുങ്ങിയത്. ഇടതുവിങ്ങിൽ പന്തുമായി മുന്നേറിയ മാർക്കോസ് അക്യൂന, നെതർലൻഡ്സ് ബോക്‌സിനുള്ളിലേക്ക് കടക്കുമ്പോൾ തടയാനെത്തിയ ഡെൻസൽ ഡംഫ്രിസിന്റെ കാലിൽത്തട്ടി താഴെ വീണു. യാതൊരു സംശയവും കൂടാതെ റഫറി പെനൽറ്റി സ്‌പോട്ടിലേക്ക് വിരൽചൂണ്ടി. അർജന്റീനയ്ക്കായി കിക്കെടുത്ത സൂപ്പർതാരം ലയണൽ മെസ്സി അനായാസം ലക്ഷ്യം കണ്ടു.
ആദ്യപകുതിയിൽ ഒരു ഗോളിനു പിന്നിലായിപ്പോയ നെതർലൻഡ്സ്, രണ്ടു മാറ്റങ്ങളുമായാണ് രണ്ടാം പകുതി ആരംഭിച്ചത്. സ്റ്റീവൻ ബെർഗ്‌വിനു പകരം സ്റ്റീവൻ ബെർഗ്യൂസും മാർട്ടിൻ ഡി റൂണിനു പകരം കൂപ്‌മെയ്‌നേഴ്‌സും കളത്തിലിറങ്ങി.
