തിരുവനന്തപുരം: 37 മത്സരങ്ങളിൽ തോൽവി അറിയാതെ മുന്നേറിയ ഇറ്റലിയുടെ റെക്കോഡിന് ഒപ്പം അർജന്റീന എത്തുമെന്ന് കരുതിയിരുന്നവരെ ഞെട്ടിച്ചുകൊണ്ട് വലിയ അട്ടിമറി. ഏഷ്യൻ ശക്തികളായ സൗദി അറേബ്യ ഒന്നിനെതിരെ രണ്ടുഗോളുകൾക്ക് അർജന്റീനയെ അട്ടിമറിച്ചപ്പോൾ ട്രോളുകൾ പ്രത്യക്ഷപ്പെടുന്നത് സ്വാഭാവികം. എന്നാൽ, ട്രോളുകളല്ല, മത്സരത്തിന് മുമ്പേ ഫലം പ്രവചിച്ച ഒരു യുവാവാണ് സോഷ്യൽ മീഡിയയിൽ സ്റ്റാറാകുന്നത്.

വേൾഡ് മലയാളി സർക്കിൾ എന്ന ഗ്രൂപ്പിലാണ് മധു മണക്കാട്ടിൽ എന്ന ഫേസ്‌ബുക്ക് ഉപയോക്താവ് പ്രവചനം നടത്തിയത്. പ്രവചനം ഇങ്ങനെയായിരുന്നു. ഈ world cup ലെ ആദ്യത്തെ അട്ടിമറി ഇന്ന് സംഭവിക്കും Z Mark my words സൗദി അറേബ്യ VS അർജന്റീന My prediction :- 2 - 1 സൗദി അറേബ്യ ജയിക്കും മെസ്സി നനഞ്ഞ പടക്കമാകും. എന്നാണ്.

ഈ പ്രവചനം കണ്ടവരെല്ലാം യുവാവിനെ പരിഹസിച്ചു. എന്നാൽ മത്സര ശേഷം അത്ഭുതം, മാരകം എന്നതൊക്കെയാണ് കമന്റ് വരുന്നത്. നൂറുകണക്കിന് കമന്റുകളാണ് ഈ പോസ്റ്റിൽ വരുന്നത്. കളിയെ പറ്റി ഒരുധാരണയും ഇല്ല, അല്ലേ, ജ്യോത്സ്യൻ ആണോ, എന്നൊക്കെ ചോദിച്ചവർ, അവസാനം പവനായി ശവമായി എന്ന് കുറിച്ചിടേണ്ട ഗതികേടിലായി.

അതുപോലെ തന്നെ ട്രോളുകൾക്കും ഒട്ടും കുറവില്ല.

ചിലതൊക്കെ അർജന്റീന ഫാൻസിന്റെ മുറിവിൽ മുളക് പുരട്ടുന്ന തരത്തിൽ, ചിലത് ആശ്വസിപ്പിക്കുന്ന തരത്തിലും.

മറുനാടന്‍ മലയാളി

    മറുനാടന്‍ മലയാളി ബ്യൂറോ