ഹാട്രിക്കുമായി ഓഗ്ബെച്ചെ; ഗോവയെ കീഴടക്കി ഹൈദരാബാദ് ഒന്നാമത്

പനാജി: ഐഎസ്എല്ലിൽ എഫ്സി ഗോവയെ കീഴടക്കി ഹൈദരാബാദ് ഒന്നാം സ്ഥാനത്ത്. ഒന്നിനെതിരേ മൂന്ന് ഗോളുകൾക്കായിരുന്നു ഹൈദരാബാദിന്റെ ജയം. ഹാട്രിക്ക് നേടിയ ബർത്തലോമ്യു ഓഗ്ബെച്ചെയാണ് ഹൈദരാബാദിനായി തിളങ്ങിയത്. 20, 79, 90 മിനിറ്റുകളിലായിരുന്നു ഓഗ്ബെച്ചെയുടെ ഗോളുകൾ. ഗോവയുടെ ആശ്വാസ ഗോൾ 54-ാം മിനിറ്റിൽ റെദീം തലാങ് നേടി. ജയത്തോടെ 13 കളികളിൽ നിന്ന് 31 പോയന്റുമായി ഹൈദരാബാദ്, മുംബൈയെ മറികടന്ന് വീണ്ടും ഒന്നാം സ്ഥാനം തിരികെ പിടിച്ചു.