കേരളത്തിന് സന്തോഷ് ട്രോഫി ഫൈനൽ റൗണ്ട് യോഗ്യത

ബെനോലിം: സന്തോഷ് ട്രോഫി ഫൈനൽ റൗണ്ട് യോഗ്യത സ്വന്തമാക്കി കേരളം. ഗ്രൂപ്പ് മത്സരങ്ങൾ അവസാനിച്ചതോടെ മികച്ച മൂന്ന് രണ്ടാം സ്ഥാനക്കാരിൽ ഉൾപ്പെട്ടാണ് കേരളം ഫൈനൽ റൗണ്ടിലെത്തിയത്. നേരത്തേ ഗ്രൂപ്പ് ഘട്ടത്തിൽ നിർണായക മത്സരത്തിൽ ഗോവയോട് തോറ്റതോടെയാണ് (1 - 0) കേരളത്തിന് ഫൈനൽറൗണ്ട് യോഗ്യതയ്ക്കായി കാത്തിരിക്കേണ്ടി വന്നത്.

ജയത്തോടെ ഗ്രൂപ്പ് ചാമ്പ്യന്മാരായി ഗോവ ഫൈനൽ റൗണ്ടിൽ കടന്നിരുന്നു. ആറ് ഗ്രൂപ്പുകളിൽനിന്നായി മികച്ച മൂന്ന് രണ്ടാംസ്ഥാനക്കാർക്ക് ബർത്ത് ലഭിക്കും. ആറ് ഗ്രൂപ്പ് ചാമ്പ്യന്മാരും മൂന്ന് മികച്ച രണ്ടാംസ്ഥാനക്കാരും ഫൈനൽ റൗണ്ടിൽ കളിക്കും.

നാലുകളിയിൽ മൂന്നുജയവും ഒരു തോൽവിയുമടക്കം കേരളത്തിന് ഒമ്പത് പോയന്റുണ്ടായിരുന്നു. മൂന്നു ജയവും ഒരു സമനിലയുമായി പത്തുപോയന്റോടെയാണ് ഗോവ മുന്നേറിയത്. 12 ഗോൾ അടിക്കുകയും രണ്ടുഗോൾ വഴങ്ങുകയും ചെയ്ത കേരളത്തിന് 1 - 0 ഗോളിന്റെ വ്യത്യാസവും ഉണ്ടായിരുന്നു. ഡിസംബറിൽ അരുണാചൽപ്രദേശിലാണ് സന്തോഷ് ട്രോഫിയുടെ ഫൈനൽ റൗണ്ട് മത്സരങ്ങൾ.