സൂറിച്ച്: യുവേഫ ചാംപ്യൻസ് ലീഗ് ക്വാർട്ടർ ഫൈനലിൽ ഇത്തവണ തീപാറും പോരാട്ടങ്ങൾ. ഏപ്രിൽ ഒമ്പതിന് പിഎസ്ജി - ബാഴ്സ മത്സരത്തോടെയാണ് ക്വാർട്ടർ ഫൈനൽ മത്സരങ്ങൾ ആരംഭിക്കുന്നത്. പിഎസ്ജിയുടെ ഹോം ഗ്രൗണ്ടായ പ്രിൻസസ് പാർക്കിലാണ് മത്സരം. മാഞ്ചസ്റ്റർ സിറ്റി - റയൽ മാഡ്രിഡ് മത്സരമാണ് അവസാന എട്ടിലെ സവിശേഷത. ഫ്രഞ്ച് ചാംപ്യന്മാരായ പിഎസ്ജി ബാഴ്സലോണയെ നേരിടും. അത്ലറ്റികോ മാഡ്രിഡ് ജർമൻ വമ്പന്മാരായ ബൊറൂസിയ ഡോർട്ട്മുണ്ടിനേയും ബയേൺ മ്യൂനിച്ച്, ആഴ്സനലിനെതിരെ കളിക്കും.

അത്ലറ്റികോ, ബൊറൂസിയക്കെതിരെ കളിക്കും. മാഡ്രിഡിലാണ് ആദ്യപാദ മത്സരം. ഈ രണ്ട് മത്സരങ്ങളും ഒരു ദിവസമാണ് നടക്കുക. ഏപ്രിൽ പത്തിന് ആഴ്സനൽ സ്വന്തം ഗ്രൗണ്ടിൽ ബയേണിനെ നേരിടും. അന്ന്, സാന്റിയാഗോ ബെർണാബ്യൂവിൽ റയൽ നിലവിലെ ചാംപ്യന്മാരായ മാഞ്ചസ്റ്റർ സിറ്റിക്കെതിരേയും കളിക്കും. രണ്ടാംപാദ മത്സരങ്ങള്ൾ ഏപ്രിൽ 16ന് ആരംഭിക്കും. ബയേൺ, ആഴ്സനലിനെ സ്വന്തം ഗ്രൗണ്ടിലേക്ക് വീണു. അന്നുതന്നെ ബൊറൂസിയ - അത്ലറ്റിക്കോ മത്സരം. 17ന് ബാഴ്സലോണ സ്വന്തം ഗ്രൗണ്ടായ നൂ കാംപിൽ പിഎസ്ജിയെ നേരിടും. അന്ന് ഇത്തിഹാദ് സ്റ്റേഡിയത്തിൽ സിറ്റി, റയലിനെ വരവേൽക്കും.

നാലു വർഷത്തിനിടെ ആദ്യമായാണ് ബാഴ്സ ചാംപ്യൻസ് ലീഗിന്റെ ക്വാർട്ടറിലെത്തുന്നത്. നാപോളിക്കെതിരായ പ്രീ ക്വാർട്ടറിൽ ഫെർമിൻ ലോപസ്, ജോ കാൻസലോ, ലെവൻഡോവ്‌സ്‌കി എന്നിവർ ബാഴ്‌സയ്ക്കായി വലകുലുക്കി. അമീർ റഹ്‌മാനിയുടെ വകയായിരുന്നു നാപ്പോളിയുടെ ആശ്വാസ ഗോൾ.

അതേസമയം, 2010ന് ശേഷം ആദ്യമായാണ് ആഴ്‌സണൽ ക്വാർട്ടറിൽ പ്രവേശിക്കുന്നത്. എഫ് സി പോർട്ടോയെ പരാജയപ്പെടുത്തിയാണ് ആഴ്‌സണൽ ക്വാർട്ടറിൽ കടന്നത്. ഇരുപാദങ്ങളിലുമായി മൽസരം 1-1 സമനിലയിലാണ് അവസാനിച്ചത്. തുടർന്ന് നടന്ന പെനാൽറ്റി ഷൂട്ടൗട്ടിൽ 4-2ന്റെ ജയം ആഴ്സനൽ സ്വന്തമാക്കുകയായിരുന്നു. ഇംഗ്ലീഷ് ക്ലബ്ബ് ആഴ്സണലിന് ജർമൻ ക്ലബ്ബ് ബയേൺ മ്യൂണിക്കും അത്ലറ്റിക്കോ മാഡ്രിഡിന് ബൊറൂസ്സിയ ഡോർട്ട്മുൺഡുമാണ് എതിരാളികൾ. ഏപ്രിൽ ഒമ്പതിന് ആദ്യ പാദ മത്സരങ്ങളും 16-ന് രണ്ടാം പാദ മത്സരങ്ങളും ഹോം, എവേ വിഭാഗങ്ങളിലായി നടക്കും.