ദേശീയ ഗെയിംസ്: ഫെൻസിങ്ങിൽ കേരളത്തിന് നാലാം മെഡൽ

അഹമ്മദാബാദ്: മുപ്പത്തിയാറാം ദേശീയ ഗെയിംസിൽ ഫെൻസിങ്ങിൽ കേരളത്തിന് നാലാം മെഡൽ. വനിതകളുടെ ഫോയിൽ വിഭാഗത്തിൽ കേരളം വെള്ളി നേടി. വാശിയേറിയ പോരാട്ടത്തിൽ കേരളം മണിപ്പുരിനോട് തോൽക്കുകയായിരുന്നു. സ്‌കോർ: 41-45.

കഴിഞ്ഞ ദിവസം വുമൺ എപ്പേ വ്യക്തിഗത ഇനത്തിൽ കേരളത്തിന്റെ ഗ്രേഷ്മ എം.എസ് മെഡലുറപ്പാക്കിയിരുന്നു. മഹാരാഷ്ട്രയുടെ ദ്യനേശ്വരിയെ 15-13ന് ക്വാർട്ടർ ഫൈനലിൽ പരാജയപ്പെടുത്തി സെമിയിൽ പ്രവേശിച്ചതോടെയാണ് ഗ്രേഷ്മ മെഡൽ ഉറപ്പിച്ചത്.