കൊല്ലം: സിഐഎസ് സി ഇ & ഗയിംസ് കേരള റീജിയണൽ കരാട്ടെ ടൂർണമെന്റിൽ ഈശ്വരിക്ക് സ്വർണം. കൊല്ലം ട്രിനിറ്റി ലൈസിയം സ്‌കൂളിലെ ആറാം ക്ലാസ് വിദ്യാർത്ഥിനിയാണ് ഈശ്വരി. കഴിഞ്ഞ ആഴ്ച കൊല്ലത്ത് നടന്ന ജില്ലാ ടൂർണമെന്റിൽ സ്വർണം നേടിയ ഈശ്വരി കോഴിക്കോട് നടന്ന സംസ്ഥാന ടൂർണമെന്റിലും സ്വർണം നേടി ദേശീയ മത്സരത്തിന് യോഗ്യത നേടി.

കരാട്ടെയിൽ ഇന്ത്യക്ക് വേണ്ടി ലോക കിരീടം സ്വന്തമാക്കണമെന്നാണ് ഈ കൊച്ചു മിടുക്കിയുടെ മോഹം. ഇതിനകം നിരവധി ടൂർണമെന്റുകളിൽ പങ്കെടുത്ത് സ്വർണം നേടിയ ഈശ്വരിക്ക് സിഐഎസ് സി ഇ സ്പോർട്സ് ആൻഡ് ഗെയിംസ് കേരളാ റീജിയൺ കരാട്ടെ ടൂർണ്ണമെന്റ് വിജയം നൽകുന്ന ആത്മ വിശ്വാസം ചെറുതല്ല.