ന്യൂഡൽഹി: മാതാവിന്റെ ജനനതിരുനാളിനോടനുബന്ധിച്ചു ആർകെ പുരം സെന്റ് തോമസ് ലാറ്റിൻ പള്ളിയിലും സെന്റ് പീറ്റേഴ്‌സ് സീറോ മലബാർ ഇടവകയിലും എട്ടു നോമ്പാചരണം നടത്തുന്നു.

സെന്റ് തോമസ് ലാറ്റിൻ പള്ളിയിൽ ദിവസവും വൈകുന്നേരം 6.30നു ജപമാല, വിശുദ്ധ കുർബാന എന്നിവ നടക്കും. അഞ്ച്, ആറ് (ശനി, ഞായർ) തീയതികളിൽ വൈകുന്നേരം ആറിനു ജപമാല, വിശുദ്ധ കുർബാന എന്നിവ നടക്കും. സമാപനദിനമായ എട്ടിന് വൈകുന്നേരം ആറിന് ജപമാല, വിശുദ്ധ കുർബാന, പ്രദക്ഷിണം, സ്‌നേഹവിരുന്ന് എന്നിവ നടക്കും.

സെന്റ് പീറ്റേഴ്‌സ് സീറോ മലബാർ ഇടവകയുടെ എട്ടു നോമ്പാചരണം ഓഗസ്റ്റ് 31നു വൈകുന്നേരം 6.45നു ബർസാപുരിയിലുള്ള സെന്റ് പീറ്റേഴ്‌സ് ഭവനത്തിൽ നടക്കും. ദിവസവും വൈകുന്നേരം 6.45നു ജപമാല, വിശുദ്ധ കുർബാന എന്നിവ നടക്കും. ആറിനു രാവിലെ സെക്ടർ രണ്ടിലുള്ള സെന്റ് തോമസ് ദേവാലയത്തിൽ രാവിലെ 10ന് ജപമാല, വിശുദ്ധ കുർബാന ഉണ്ടായിരിക്കും. മാതൃജ്യോതിസിന്റെ നേതൃത്വത്തിൽ നേർച്ച വിതരണവും ഉണ്ടായിരിക്കും. സമാപന ദിനമായ എട്ടിനു വൈകുന്നേരം 6.45ന് ജപമാല, വിശുദ്ധ കുർബാന, നേർച്ച വിതരണം എന്നിവ നടക്കും.

റിപ്പോർട്ട്: റെജി നെല്ലിക്കുന്നത്ത്