ഫ്‌ളോറിഡയിലെ ക്രൈസ്തവ സമൂഹത്തിന് സ്വപ്‌ന സാഫല്യം;നേപ്പിൾസിൽ മലങ്കര ഓർത്തഡോക്ൾസ് സഭക്ക് പുതിയ ഒരു ദേവാലയം കൂടി
ഫ്‌ളോറിഡ: ഫ്‌ളോറിഡയിലെ നേപ്പിൾസിലും, ഫോർട്ട് മയേഴ്‌സിലും താമസിക്കുന്ന കേരളത്തിൽ നിന്നുമുള്ള ക്രൈസ്തവ കുടുംബങ്ങൾക്കായി സെന്റ് മേരീസ് ഇന്ത്യൻ ഓർത്തഡോക്ൾസ് കോൺഗ്രിഗേഷൻ ഓഫ് സൗത്ത് വെസ്റ്റ് ഫ്‌ലോറിഡ (St. Mary's Indian Orthodox Congregation of Southwest Florida) എന്ന പേരിൽ പുതിയ ഒരു ദേവാലയം ആരംഭിച്ചുകൊണ്ട് മലങ്കര ഓർത്തോഡോക്‌സ് സഭയുടെ സൗത്ത് വെസ്റ്റ് അമേരിക്കൻ ഭദ്രാസന
ഫ്‌ളോറിഡ: ഫ്‌ളോറിഡയിലെ നേപ്പിൾസിലും, ഫോർട്ട് മയേഴ്‌സിലും താമസിക്കുന്ന കേരളത്തിൽ നിന്നുമുള്ള ക്രൈസ്തവ കുടുംബങ്ങൾക്കായി സെന്റ് മേരീസ് ഇന്ത്യൻ ഓർത്തഡോക്ൾസ് കോൺഗ്രിഗേഷൻ ഓഫ് സൗത്ത് വെസ്റ്റ് ഫ്‌ലോറിഡ (St. Mary's Indian Orthodox Congregation of Southwest Florida) എന്ന പേരിൽ പുതിയ ഒരു ദേവാലയം ആരംഭിച്ചുകൊണ്ട് മലങ്കര ഓർത്തോഡോക്‌സ് സഭയുടെ സൗത്ത് വെസ്റ്റ് അമേരിക്കൻ ഭദ്രാസന മെത്രാപൊലീത്ത കൽപ്പന പുറപ്പെടുവിച്ചു.
ഒർലാന്റൊ സെന്റ് മേരീസ് ഓർത്തഡോക്ൾസ് ഇടവക വികാരി ഫാ. ജോൺസൺ പുഞ്ചക്കോണത്തിനാണ് പുതിയ കോൺഗ്രിഗേഷന്റെ ചുമതല.നേപ്പിൾസിലും സമീപ പ്രദേശങ്ങളിലുമുള്ള ക്രിസ്തീയ വിശ്വാസികൾക്കായി ആരാധനക്കായി പുതിയ കോൺഗ്രിഗേഷൻ അനുവദിച്ചതിൽ മലങ്കര ഓർത്തോഡോക്‌സ് സഭയുടെ സൗത്ത് വെസ്റ്റ് അമേരിക്കൻ ഭദ്രാസന മെത്രാപൊലീത്ത അഭി.അലക്‌സിയോസ് മാർ യൂസേബിയോസ് തിരുമേനിക്ക് പ്രത്യേകം അഭിനന്ദനം അറിയിച്ചുകൊണ്ടു സെന്റ് മേരീസ് ഇന്ത്യൻ ഓർത്തഡോക്ൾസ് കോൺഗ്രിഗേഷൻ ഓഫ് സൗത്ത് വെസ്റ്റ് ഫ്‌ലോറിഡക്ക് വേണ്ടി സെക്രട്ടറി സഞ്ജയ് കുര്യൻ പറഞ്ഞു.
താമ്പയിൽ നിന്ന് 120 മൈലോളം അകലെയാണ് നേപ്പിൾസ്. കുറച്ച് ഇന്ത്യക്കാരും, ഐ.ടിമേഖലയുമായി ബന്ധപ്പെട്ട കുറെ ക്രിസ്തീയ വിശ്വാസികളുമാണ് ഇവിടെയുള്ള ദക്ഷിണേഷ്യക്കാർ. തിരക്ക് കുറഞ്ഞ പ്രകൃതിരമണീയമായ സ്ഥലമാണ് ഫ്‌ളോറിഡയിലെ നേപ്പിൾസ്.
എല്ലാ മാസത്തിലെയും മൂന്നാമത്തെ ശനിയാഴ്ച രാവിലെ 8.30ന് വിശുദ്ധ കുർബാന ആരംഭിക്കും. കഴിഞ്ഞ രണ്ട് മാസങ്ങളിലുമായി രണ്ടു സർവീസുകൾ ഇതിനകം അവിടെ നടത്തിയിരുന്നു. 35 മൈൽ അകലെ ഫോർട്ട് മയേഴ്‌സിൽ നിന്നും, സമീപ പ്രദേശങ്ങളിലും ഉള്ള മലയാളികളായ ക്രൈസ്തവ വിശ്വാസികൾക്ക് ഇത് ഒരനുഗ്രഹമാണ് .
പള്ളിയുടെ വിലാസം: 2425 റിവേഴ്‌സ് റോഡ്, ഫ്‌ളോറിഡ 34120
Saint Paul Antiochian Orthodox Church, 2425 Rivers Road, Naples, FL 34120
കൂടുതൽ വിവരങ്ങൾക്ക്:
ഫാ.ജോൺസൺ പുഞ്ചക്കോണം 7703109050
