മനാമ: ബഹ്‌റൈൻ സെന്റ് പോൾ മാർത്തോമ്മാ ഇടവക സൺഡേ സ്‌കൂളിന്റെ വെക്കേഷൻ ബൈബിൾ സ്‌കൂൾ (വിബിഎസ്) സമാപന പരിപാടി റവ. ടോം ജോൺ ഉദ്ഘാടനം ചെയ്തു. വികാരി റവ. ഡോ. ടി.ടി. സഖറിയയുടെ അധ്യക്ഷതയിൽ നടന്ന സമാപന സമ്മേളനത്തിൽ വിബിഎസ് ഡയറക്ടർ റവ. ആശിഷ് തോമസ് ജോർജ്, ബഹ്‌റൈൻ മാർത്തോമ്മാ ഇടവക സഹവികാരി റവ. ജേക്കബ് വി. ജോർജ്, ഇടവക വൈസ് പ്രസിഡന്റ് ജോർജ് വർഗീസ്, സൺഡേ സ്‌കൂൾ ഹെഡ്‌മിസ്ട്രസ് സബീന ജോൺ, റ്റിൻസി ആശിഷ്, വിൻസി സഖറിയ, ജോയിക്കുട്ടി സാമുവൽ, ഷിബു ടി. കുഞ്ഞുമോൻ എന്നിവർ പ്രസംഗിച്ചു.

കുട്ടികളുടെ വിവിധ കലാപരിപാടികളും സ്‌നേഹ വിരുന്നുമുണ്ടായിരുന്നു. സബീന ജോൺ, ജോർജ് വർഗീസ്, ജോസ് ജോർജ്, ജേക്കബ് വർഗീസ്, ബിനു തോമസ്, റിനോഷ് കുര്യൻ തോമസ്, ഷിബു ടി. കുഞ്ഞുമോൻ എന്നിവർ ഭാരവാഹികളായുള്ള കമ്മിറ്റി പരിപാടികൾക്കു നേതൃത്വം നൽകി.