സെന്റ് തോമസ് ഇവാൻജലിക്കൽ സഭയുടെ ബിഷപ്പും പ്രതിനിധി സഭാദ്ധ്യഭനുമായ റെറ്റ് റവ. ഡോ. തോമസ് എബ്രഹാം ഒരു ഹ്രസ്വസന്ദർശത്തിനായി കുവൈറ്റിൽ എത്തിച്ചേർന്നു. ഇടവക വികാരി റവ. സജി ഏബ്രാഹമും, ഇടവകയുടെ പ്രഥമ വികാരി റവ. പി. എം ജോസഫും മറ്റു ഇടവകാംഗങ്ങളും ചേർന്ന് കുവൈറ്റ് വിമാനത്താവളത്തിൽ അദ്ദേഹത്തെ സ്വീകരിച്ചു. ഇടവകയുടെ സുവർണ്ണ ജൂവിലി ആഘോഷങ്ങളുടെ സമാപന സമ്മേളനത്തിൽ അദ്ദേഹം മുഖ്യാതിഥി ആയിരിക്കും.

സുവർണ ജൂബിലി ആഘോഷങ്ങളുടെ സമാപനം 2016 സെപ്റ്റംബർ 29-ാം തീയതി വൈകീട്ട് ഏഴു മണിക്ക് എൻഈസികെ പള്ളിയിലും പാരീഷ് ഹാളിലുമായി നടക്കുന്ന പൊതു യോഗത്തിൽ ബഹുമാനപ്പെട്ട തിരുമേനി നിർവ്വഹിക്കും. ഇടവക വികാരി റവ സജി എബ്രഹാം യോഗത്തിന്റെ അദ്ധ്യക്ഷത വഹിക്കുകയും, ഇടവകയുടെ പ്രഥമ വികാരി റവ. പി എം ജോസഫ്, കുവൈറ്റിലെ സഹോദരി സഭായിടവകയുടെ വികാരി മാർ മറ്റു ആത്മീയ നേതാക്കന്മാർ തുടങ്ങിയവർ വിശിഷ്ടാതിഥികളായി പങ്കെടുക്കുകയും ചെയ്യും.