തിരുവനന്തപുരം: കസബ വിവാദം അന്ത്യം കാണാതെ തുടരുന്നതിനിടെ ചെങ്ങന്നൂർക്കാരിയായ മമ്മൂട്ടി ആരാധിക സുജ, വിമൻ ഇൻ സിനിമ കളക്ടീവിനെതിരെ രംഗത്ത് വന്നു.മേഗാതാരത്തെ അധിക്ഷേപിക്കുന്ന പോസ്റ്റ് ഷെയർ ചെയ്തതും വിമർശനം വന്നപ്പോൾ അത് പിൻവലിച്ചതുമാണ് സുജയെ ചൊടിപ്പിച്ചത്. സുജയുടെ കുറിപ്പ് വൈറലാവുകയാണ്.

ഫേസ്‌ബുക്ക് പോസ്റ്റ്:

'ഞാൻ ഇവിടെ ഇങ്ങനെ ഒരു കുറിപ്പെഴുതുന്നത് ചില കൊച്ചമ്മമാരോടുള്ള അപേക്ഷ ആയിട്ടാണ്.വിമൻ ഇൻ സിനിമ കളക്ടീവ് എന്നൂള്ളതിൽ നിന്ന് വിമൻ എന്ന പദം ദയവ് ചെയ്ത് നിങ്ങൾ എടുത്ത് മാറ്റണം.വിമൻ എന്ന് പറഞാൽ സ്ത്രീകൾ എന്നാണ് അർത്ഥം.നിങ്ങളുടെ കഴിഞ്ഞ കുറച്ച് കാലമായുള്ള ചെയ്തികൾ ഞങ്ങളെ പോലുള്ള സാധാരണ സ്ത്രീകൾക്കും കൂടി അപമാനം ഉണ്ടാക്കുന്നതാണ്..ഒരു പാർവ്വതി വിഷയവും കസബ വിഷയവും കഴിഞ്ഞ് അടുത്ത തോന്ന്യവാസം വിളമ്പി നിങ്ങൾ ഇറങ്ങിയിരിക്കുന്നത് എന്തുദ്ദേശ്യത്തിലാണ്.നിങ്ങൾ ആഗ്രഹിച്ച ഒരു മറുപടി നിങ്ങൾക്ക് മമ്മൂക്ക തന്നതും ആണ്.അത് അദ്ദേഹത്തിന്റെ മാന്യത.

മമ്മൂട്ടി എന്ന നടൻ പ്രത്യക്ഷമായോ പരോക്ഷമായോ എന്ത് തെറ്റാണ് നിങ്ങളോട് ചെയ്തത്..ദിനം ദിനം നിങ്ങൾ അദ്ദേഹത്തെ ഇങ്ങനെ തേജോ വധം ചെയ്യുന്നത് എന്തിന്റെ അടിസ്ഥാനത്തിലാണ്...അല്ലാ എന്താ കൊച്ചമ്മമ്മാരുടെ ഉദ്ദേശം..നാലും മൂന്ന് ഏഴ് സ്ത്രീജനങ്ങൾ കൂടി സ്ത്രീകളുടെ പേരിൽ ഒരു സംഘടനയും രൂപീകരിച്ച് സ്ത്രീ പക്ഷത്തിന്റെ പേരിൽ വായിൽ തോന്നുന്നത് വിളിച്ച് കൂവിയാൽ കേരളത്തിലെ സ്ത്രീകളൊക്കെ നിങ്ങടെ പുറകെ വരും എന്നാണോ കൊച്ചമ്മമാരെല്ലാം ധരിച്ച് വെച്ചിരിക്കുന്നത്.എങ്കിൽ നിങ്ങടെ ആ ധാരണ തെറ്റാണ്.

കേരളത്തിലെ സ്ത്രീകളെ ബഹുമാനിക്കാൻ ഇവിടുത്തെ പുരുഷന്മാർക്കും പുരുഷന്മാരെ ബഹുമാനിക്കാൻ ഇവിടുത്തെ സ്ത്രീകൾക്കും അറിയാം..അതിന് സിനിമയിലെ രംഗങ്ങൾ ചൂണ്ടിക്കാട്ടി നിങ്ങൾ ബുദ്ധിമുട്ടണ്ട.നിങ്ങൾ ഇന്നലെ നിങ്ങടെ ഡബ്ലുസിസി എന്ന പേജിൽ ഷെയർ ചെയ്തത് എന്തൊക്കെ മണ്ടത്തരങ്ങൾ ആണ്.അതും എല്ലാവരാലും ബഹുമാനിക്കുകയും സ്‌നേഹിക്കുകയും ചെയ്യുന്ന മമ്മൂക്കക്കെതിരെ.പ്രായം മറച്ച് വെച്ച് മമ്മൂക്ക ഇപ്പോഴും ചെറുപ്പക്കാരനായി അഭിനയിക്കുന്നുണ്ടെങ്കിൽ അത് അദ്ദേഹത്തിന്റെ കഴിവ്.അതിന് മേക്കപ്പാണെന്നും കൊച്ചു പെൺകുട്ടികളെ കൂടെ അഭിനയിപ്പിക്കുന്നു എന്നൊക്കെ പറയാൻ എന്തർഹതയാണ് നിങ്ങൾക്കുള്ളത്.

ഡബ്‌ള്യുസിസിയിലെ ഒരംഗം അല്ലേ ഗീതു മോഹൻ ദാസ്..മമ്മൂക്കക്ക് 55 വയസുള്ളപ്പോഴാണ് രാപ്പകൽ എന്ന ചിത്രം ഇവിടെ ഇറങ്ങിയത്.ആ ചിത്രത്തിൽ മമ്മൂക്കയെ രഹസ്യമായി സ്‌നേഹിക്കുന്ന കഥാപാത്രം ആയിട്ടല്ലേ ഗീതു അഭിനയിച്ചത്.എന്തിനാണ് ഗീതു പ്രായം ഒളിപ്പിച്ച് വെച്ച് മേക്കപ്പ് ഇട്ട് അഭിനയിക്കുന്ന മമ്മൂക്കയും ആയി മമ്മൂക്കയുടെ മകളുടെ പ്രായം ഉള്ള നിങ്ങൾ ആ വേഷം അഭിനയിച്ചത്..ഉത്തരം പറയാൻ കഴിയുമോ ഗീതു മോഹൻ ദാസിന്.

ഇനി ഡബ്ല്യുസിസി യിലെ മറ്റൊരംഗം റിമ..ബാവൂട്ടിയുടെ നാമത്തിൽ, കമ്മത്ത് ആൻഡ് കമ്മത്ത് തുടങ്ങിയ ചിത്രങ്ങളിൽ മമ്മൂക്കയുടെ കാമുകി ആയി റിമ അഭിനയിക്കുമ്പോൾ മമ്മൂക്കയുടെ വയസ് 63.എന്തിനാണ് റിമേ നിങ്ങൾ പ്രായം മറച്ച് വെച്ച് മേക്കപ്പ് ഇട്ട് നടക്കുന്ന കൊച്ചു പെൺകുട്ടി ആയ റിമ ഈ സാഹസത്തിന് മുതിർന്നത്.ഇതിനുത്തരം തരാൻ റിമക്ക് കഴിയുമോ..

വെറുതെ എത്‌നിനാണ് കൊച്ചമ്മമ്മാരെ സ്ത്രീകളുടെ ഒരു സംഘടനയുണ്ടാക്കി വെറുതേ തോന്നിയത് വിളിച്ച് കൂവുന്നത്.അല്ലേലും ഈ മേക്കപ്പിനെ പറ്റി പറയാൻ എന്തവകാശം ആണ് നിങ്ങൾക്കുള്ളത്.സിനിമയിൽ മേക്കപ്പ് ഇട്ട് അഭിനയിക്കുന്ന മമ്മൂക്കയെ കാണാൻ സിനിമക്ക് വെളിയിൽ മേക്കപ്പില്ലാതെ കാണാൻ അതിലും ഭംഗിയുണ്ട്..നേരെ മറിച്ച് നിങ്ങളുടെ കാര്യം നോക്കിയാൽ സിനിമയിൽ ഇടുന്നതിനേക്കാൾ നാലിരട്ടി പുരട്ടി അല്ലേ നിങ്ങൾ വെളിയിലിറങ്ങുമ്പോ പൂശുന്നത്...അതു കൊണ്ട് സ്ത്രീകൾ എന്ന ലേബലിൽ ഒരു സംഘടനയും ഉണ്ടാക്കി ഇനിയും ഇത് പോലുള്ള മണ്ടത്തരങ്ങൾ വിളിച്ച് കൂവാതിരിക്കുക.അതുകൊണ്ട് വിമൻ ഇൻ സിനിമ കളക്ടീവ് എന്ന പേരിൽ നിന്ന് ഒന്നുകിൽ വിമൻ എടുത്ത് മാറ്റുകയോ അല്ലെങ്കിൽ മാന്യമായി ജോലി നോക്കുന്നവരെ സ്ത്രീകളൂടെ ലേബലിൽ തേജോ വധം ചെയ്യൂന്നത് അവസാനിപ്പിക്കണം എന്നും അപേക്ഷിച്ച് കൊണ്ട് മമ്മൂക്കയുടെ ഒരു കട്ട ആരാധിക ആയ ചെങ്ങന്നൂർകാരി
സുജ.കെ