കണ്ണൂർ: അവധിക്കാലം നൈപുണ്യവികസനത്തിനായി പ്രയോജന പ്രദമാക്കുന്നതിന് സംസ്ഥാന പൊതു വിദ്യാഭ്യാസ വകുപ്പും ഉന്നത വിദ്യാഭ്യാസ വകുപ്പും നടപ്പിലാക്കുന്ന സംയുക്ത സംരംഭമായ അഡീഷണൽ സ്‌കിൽ അക്വിസിഷൻ പ്രോഗ്രാമിന്റെ (അസാപ്) സമ്മർ സ്‌കിൽ സ്‌കൂൾ നൈപുണ്യവികസന പരിപാടിയിലേക്ക് അപേക്ഷ ക്ഷണിച്ചു. 15-25 വയസ്സ് പ്രായപരിധിയിലുള്ള ആർക്കും അവരവരുടെ വിദ്യാഭ്യാസ യോഗ്യത അനുസരിച്ച് തൊഴിൽ നൈപുണ്യ കോഴ്സ് തെരഞ്ഞെടുക്കാം. തൊഴിൽ നൈപുണ്യം ആർജിക്കുന്നതിനുള്ള പ്രാക്ടിക്കൽ, ഇന്റേൺഷിപ്പ് എന്നിവ ഉൾപ്പെട്ട കോഴ്സുകളാണ് നൽകുന്നത്. താൽപര്യമുള്ളവർക്ക് www.asapkerala.gov.in/sss ൽ ഫെബ്രുവരി 15 വരെ ഓൺലൈനായി രജിസ്റ്റർ പെയ്യാം. ഫോൺ: 9495999658.