മുംബൈ: നീലച്ചിത്രമേഖലയിൽനിന്ന് ബോളിവുഡിലെത്തിയ സണ്ണിലിയോണിനോട് യുവാക്കൾക്ക് ഇപ്പോഴും പ്രിയം വിട്ടുമാറിയിട്ടില്ല. നിരവധിപ്പേരാൽ ആരാധിക്കപ്പെടുന്ന സണ്ണിയും ചിലരെ ആരാധിക്കുന്നുണ്ട്. ചിലരൊക്കെ കായിക മേഖലയിൽനിന്നുള്ളവരാണ്. അതായത് സണ്ണിക്കും ചില കളക്കമ്പമുണ്ടെന്ന്.

ക്രിക്കറ്റിൽ സണ്ണിക്ക് ഒരു ഇഷ്ടതാരവുമുണ്ട്. ആരാവും അതെന്ന ചോദ്യത്തിന് സച്ചിൻ തെണ്ടുൽക്കർ എന്ന ചോദ്യത്തിന് സച്ചിൻ തെണ്ടുൽക്കർ എന്നായിരിക്കും ഒട്ടുമിക്ക ഇന്ത്യാക്കാരുടെയും ഉത്തരം. ചിലർ പറയും അത് വിരാട് കോഹ് ലിയാണെന്ന്. എന്നാൽ ഉത്തരം ഇവരൊന്നുമില്ല.

ഇന്ത്യയുടെ മുൻക്യാപ്റ്റൻ എംഎസ് ധോണിയാണ് സണ്ണിയുടെ മനസിൽ കയറിക്കൂടിയ കളിക്കാരൻ. ഇന്ത്യൻ ടീമിന്റെ നായകസ്ഥാനം ഒഴിഞ്ഞെങ്കിലും പത്താം ഐ.പി.എല്ലിൽ ഫോമില്ലായ്മയിൽ വലയുമ്പോഴും ധോനി തന്നെയാണ് തന്റെ ഇഷ്ടതാരമെന്ന് പറയുകയാണ് സണ്ണി.

ട്വിറ്ററിലെ ആസ്‌ക് സണ്ണി എന്ന ചോദ്യോത്തര സെഷനിൽ ഇഷ്ട ടീമും കളിക്കാരനും ഏതാണെന്ന് ഗണേശ് കുമാർ എന്നയാളുടെ ചോദ്യത്തിനുള്ള മറുപടിയായാണ് സണ്ണി ലിയോൺ ഇക്കാര്യം പറഞ്ഞത്. സണ്ണിയുടെ ഇഷ്ട ടീം ടീം ഇന്ത്യ തന്നെ. എന്തായാലും ഐപിഎലിൽ ധോണി ഫോമിലേക്ക് തിരിച്ചെത്താൻ കാരണം സണ്ണി തന്റെ ഇഷ്ടം തുറന്നു പറഞ്ഞതാണെന്നാണ് ബോളിവുഡിലെ അടക്കം പറച്ചിൽ.