കണ്ണൂർ: സുന്നി യുവജനസംഘം സംസ്ഥാന ആദർശസമിതി അംഗവും ജില്ലാ വൈസ് പ്രസിഡന്റും സമസ്ത ജില്ലാ മുശാവറ അംഗവുമായ തില്ലങ്കേരി കാവുംപടി സി.എച്ച്.എം ഹൈസ്‌കൂൾ റോഡിലെ സലീം ഫൈസി ഇർഫാനി (41) നിര്യാതനായി. കൊവിഡാനന്തര ചികിത്സയുമായിബന്ധപ്പെട്ട് രണ്ടുമാസത്തോളമായി കണ്ണൂർ ചാലയിലെ സ്വകാര്യ ആശുപത്രിയിൽ ചികിത്സയിലായിരുന്ന സലീം ഫൈസിയെ ചൊവ്വാഴ്ച കോഴിക്കോട്ടെ സ്വകാര്യ ആശുപത്രിയിലേക്കു മാറ്റിയതായിരുന്നു.

ഇന്നലെ രാത്രി 10.20 ഓടെയായിരുന്നു അന്ത്യം. മട്ടന്നൂർ പൊറോറയിലെ ഇസ്മാഈലിന്റെയും നഫീസയുടെയും മകനാണ്. ഭാര്യ: ശരീഫ (കാവുംപടി). മക്കൾ: ഹാഫിള സുആദ, ആഇശ, മുഹമ്മദ്, ജലാൽ, കുബ്റ, സുഹറ. സഹോദരങ്ങൾ: മുഹമ്മദ്, സാലിഹ് (ഇരുവരും ദുബൈ), സുഹറ.