തമിഴ്​ നടൻ സൂര്യ കോവിഡ് മുക്തനായി വീട്ടിൽ തിരികെ എത്തി. സൂര്യയുടെ സഹോദരനും നടനുമായ കാർത്തിയാണ് താരം കോവിഡ് നെ​ഗറ്റീവായ വിവരം ട്വിറ്ററിലൂടെ അറിയിച്ചത്. ചെന്നൈയിലെ ആശുപത്രിയിൽ കോവിഡ് ചികിത്സ കഴിഞ്ഞ് സൂര്യ വീട്ടിൽ മടങ്ങി എത്തിയെന്നും കാർത്തി ട്വീറ്റ് ചെയ്തിട്ടുണ്ട്.കഴിഞ്ഞയാഴ്ചയാണ് കെോവിഡ് ബാധിതനായതിനെ തുടർന്ന് സൂര്യയെ ചെന്നൈയിലെ ആശുപത്രിയിൽ പ്രവേശിപ്പിച്ചത്.

"അണ്ണാ തിരികെ വീട്ടിലെത്തി, എല്ലാം സുരക്ഷിതമാണ്. ഏതാനും ദിവസത്തേക്ക് ഹോം ക്വാറന്റൈനിൽ കഴിയണം. നിങ്ങളുടെയെല്ലാം പ്രാർത്ഥനകൾക്ക് നന്ദി പറയാതിരിക്കാൻ കഴിയില്ല," എന്നായിരുന്നു കാർത്തിയുടെ ട്വീറ്റ്.

താരം തന്നെയാണ് പോസിറ്റീവായ കാര്യം ആരാധകരെ അറിയിച്ചത്. കോവിഡ് ബാധിച്ചു, ചികിത്സ നടത്തിയതിനാൽ എനിക്ക് ബുദ്ധിമുട്ടുകളില്ല. ജീവിതം ഇതുവരെ സാധാരണ നിലയിലായിട്ടില്ലെന്ന് നമുക്കെല്ലാവർക്കും മനസ്സിലാകും. ഹൃദയത്തെ തളർത്താൻ കഴിയില്ല. അതേസമയം സുരക്ഷയും ശ്രദ്ധയും ആവശ്യമാണ്. ഞങ്ങളെ ചികിത്സിക്കുന്ന ഡോക്ടർമാരോട് സ്നേഹവും നന്ദിയും എന്നായിരുന്നു സൂര്യ പറഞ്ഞത്. വെട്രിമാരൻ സംവിധാനം ചെയ്യുന്ന സിനിമയിലാണ് സൂര്യ ഇപോൾ അഭിനയിച്ചുകൊണ്ടിരിക്കുന്നത്. സൂര്യ നായകനായി സുധ കൊങ്കര പ്രസാദിന്റെ സംവിധാനത്തിൽ പ്രദർശനത്തിന് എത്തിയ സൂരരൈ പൊട്ര് വൻ വിജയമായിരുന്നു.

 

കോവിഡ്സൂര്യ

മറുനാടന്‍ ഡെസ്‌ക്‌

    മറുനാടന്‍ ഡെസ്‌ക്‌