ന്യൂ ജേഴ്സി: ഏഴാമത് സീറോ മലബാർ നാഷണൽ കൺവെൻഷന്റെ രജിസ്ട്രേഷൻ കിക്കോഫ് സോമർസെറ്റ് സെന്റ് തോമസ് സീറോ മലബാർ കാത്തോലിക് ഫൊറോനാ ദേവാലയത്തിൽ ഒക്ടോബർ 28 ന് നടക്കുന്ന ചടങ്ങിൽ ഷിക്കാഗോ രൂപത സഹായ മെത്രാനും കൺവൻഷൻ ജനറൽ കൺവീനറുമായ മാർ ജോയ് ആലപ്പാട്ട് നിർവഹിക്കും.

വിശുദ്ധ യൂദാശ്ലീഹായുടെ തിരുനാളാഘോഷങ്ങളോടനുബന്ധിച്ചു രാവിലെ വി. ദിവ്യബലിക്ക് ശേഷമായിരിക്കും കൺവെൻഷന്റെ രജിസ്ട്രേഷൻ കിക്കോഫ് ചടങ്ങുകൾ നടക്കുക.

ഫൊറോനാ വികാരി റവ. ഫാ. ലിഗോറി ഫിലിപ്സ് കട്ടിയാകാരൻ അധ്യക്ഷത വഹിക്കുന്ന ഉദ്ഘാടന സമ്മേളനത്തിൽ രൂപത സഹായ മെത്രാനും കൺവൻഷൻ ജനറൽ കൺവീനറുമായ മാർ ജോയ് ആലപ്പാട്ട്, കൺവെൻഷൻ കൺവീനറും കൺവെൻഷനു ആതിഥേയത്വം വഹിക്കുന്ന ഹൂസ്റ്റൺ ഫൊറോനാ വികാരിയുമായ ഫാ.കുര്യൻ നെടുവേലിചാലുങ്കൽ, കൺവെൻഷൻ ചെയർമാൻ അലക്സാണ്ടർ കുടക്കാച്ചിറ, യൂത്ത് കൺവീനർ ഫാ. പോൾ ചാലിശ്ശേരി തുടങ്ങിയവർ സന്നിഹിതരാവും.

ഹൂസ്റ്റണിൽ നിന്നും എത്തുന്ന മറ്റു കൺവൻഷൻ നാഷണൽ എക്സിക്യൂട്ടീവ് കമ്മിറ്റി അംഗങ്ങൾക്കൊപ്പം കൺവെൻഷന്റെ ലോക്കൽ കോർഡിനേറ്റേഴ്സ് ടോം പെരുമ്പായിൽ, സണ്ണി വാളിയപ്ലാക്കൽ, മോളി നെല്ലിക്കുന്നേൽ,സ്റ്റെഫി ഓലിക്കൽ, ജോയൽ ജോസ് തുടങ്ങിയവരും, ട്രസ്റ്റിമാരും, പാരീഷ് കൗൺസിൽ അംഗങ്ങളും പരിപാടികൾക്ക് നേതൃത്വം നൽകും.

സീറോ മലബാർ രൂപതാ മെത്രാൻ മാർ ജേക്കബ് അങ്ങാടിയത്ത് കൺവെൻഷൻ രക്ഷാധികാരിയായി ഹൂസ്റ്റൺ സെന്റ് ജോസഫ് ഫോറോനാ ദേവാലയത്തിൽ 2019 ഓഗസ്റ്റ് ഒന്ന് മുതൽ നാല് വരെ നടക്കുന്ന ഏഴാമത് സീറോ മലബാർ നാഷണൽ കൺവെൻഷനിൽ അയ്യായിരത്തിൽപ്പരം പേര് പങ്കെടുക്കുമെന്നാണ് പ്രതീക്ഷിക്കുന്നത് .

രൂപതയിലെ മറ്റു ഇടവകകളിലും കൺവൻഷന്റെ കിക്കോഫുകൾ നടന്നുവരുന്നു.
കൂടുതൽ വിവരങ്ങൾക്ക് താഴെ പറയുന്നവരുമായി ബന്ധപ്പെടുക

ടോം പെരുമ്പായിൽ (646)3263708, സണ്ണി വാളിയപ്ലാക്കൽ (908) 9663701, മോളി നെല്ലിക്കുന്നേൽ (732) 6182122, സ്റ്റെഫി ഓലിക്കൽ (973) 5080271, ജോയൽ ജോസ് (732)7785876.

സെബാസ്റ്റ്യൻ ആന്റണി അറിയിച്ചതാണിത്.