മെൽബൺ: മെൽബണിലെ ടിഎസ് ഇലവൻ സ്പോർട്സ് ക്ലബ്ബിന്റെ ആഭിമുഖ്യത്തിൽ നടക്കുന്ന സോക്കർ ലീഗ് മത്സരങ്ങൾ ജൂലൈ 11 മുതൽ ഓഗസ്റ്റ് 15 വരെ കീസ്ബറോ ടാറ്റേഴ്‌സൺ പാർക്ക് (Tatterson park keysborough) ഗ്രൗണ്ട് ഓവൽ വണ്ണിൽ നടക്കും. മെൽബണിലെ ക്രിക്കറ്റ്, ഫുട്‌ബോൾ സ്പോർട്സ് ക്ലബ്ബ് ആയ ടിഎസ് ഇലവൺ, മലയാളി അസോസിയേഷൻ ഓഫ് വിക്ടോറിയയുടെ സഹകരണത്തോടെ ആണു ടൂർണമെന്റ് സംഘടിപ്പിക്കുന്നത്.

മെൽബണിലെ സോക്കർ ക്ലബ്ബുകളായ മോഹൻലാൽസ് മൊസ്റ്റാഷ്, ടീം ഹണ്ടിങ്‌ഡെയിൽ, നോർത്തേൺ വാരിയേഴ്‌സ്, ഓസാഗ് റെഡ് ബാക്കസ്, ടിഎസ് ഇലവൺ, കേരള സ്പോർട്സ് ക്ലബ്ബ് എന്നീ ടീമുകളാണു ടൂർണമെന്റിൽ മാറ്റുരയ്ക്കുന്നത്.

ഓഗസ്റ്റ് 15 നു (ശനി) ആണ് ഫൈനൽ. ജേതാക്കൾക്ക് 1001 ഡോളറും റണ്ണേഴ്‌സ് അപ്പിന് 501 ഡോളറും മികച്ച കളിക്കാരനു നൂറു ഡോളറും സമ്മാനമായി ലഭിക്കും. വിവരങ്ങൾക്ക്: അനൂപ് മുരളി 0422 036 793, അലക്‌സ് തോമസ് 0431 331 682. മത്സരങ്ങൾ സംബന്ധിച്ച വിവരങ്ങൾ ഫേസ്‌ബുക്ക് പേജ് www.facebook.com/ts11soccerleague.com.au, മലയാളീ അസോസിയേഷൻ ഓഫ് വിക്ടോറിയയുടെ വെബ്‌സൈറ്റ് www.mavaustralia.com.au എന്നിവിടങ്ങളിൽ ലഭ്യമാണ്.