കൊച്ചി: ''ടേക് ഓഫി''ന്റെ പുതിയ ട്രെയിലർ പുറത്തിറങ്ങി. ആസിഫ് അലിയുടെ കഥാപാത്രത്തെ പരിചയപ്പെടുത്തുന്ന ട്രെയിലറാണിത്. എഡിറ്റർ മഹേഷ് നാരായണനാണ് ചിത്രത്തിന്റെ സംവിധായകൻ.

ആദ്യ ട്രെയിലർ പോലെ തന്നെ സംഘർഷഭരിതമായ മുഹൂർത്തങ്ങളാണ് പുതിയതിലുമുള്ളത്. കുഞ്ചാക്കോ ബോബൻ, ഫഹദ് ഫാസിൽ, പാർവതി, ആസിഫ് അലി എന്നിവർ മുഖ്യവേഷങ്ങളിലെത്തുന്ന ചിത്രത്തിന്റെ തിരക്കഥ സംവിധായകനും പി.വി.ഷാജികുമാറും ചേർന്നാണ് എഴുതിയിരിക്കുന്നത്.

സനു ജോൺ വർഗീസ് ഛായാഗ്രഹണവും ഷാൻ റഹ്മാൻ സംഗീത സംവിധാനവും നിർവഹിച്ചിരിക്കുന്നു. രാജേഷ് പിള്ള ഫിലിംസ് ഇന്റർനാഷണൽ ഫിലിംസും ആന്റോ ജോസഫ് ഫിലിം കമ്പനിയും ചേർന്നാണ് ചിത്രം നിർമ്മിച്ചിരിക്കുന്നത്. 24നാണ് ടേക് ഓഫ് തിയറ്ററുകളിലെത്തുന്നത്.