ഡബ്ലിൻ കോളേജ് ഗ്രീൻ പ്രദേശത്ത് വാഹനങ്ങൾക്ക് നിയന്ത്രണം ഏർപ്പെടുത്താൻ തീരുമാനിച്ചതിനെതിരെ പ്രതിഷേധത്തിനൊരുങ്ങി ടാക്‌സി ഡ്രൈവർമാർ. രാവിലെയും വൈകുന്നേരവും ഈ പ്രദേശത്ത് ഗതഗാതക്കുരുക്ക് രൂക്ഷമായതോടെയാണ് ഈ പ്രദേശത്ത് വാഹനങ്ങൾക്ക് നിരോധനം ഏർപ്പെടുത്തിയത് ലുവാസ് ഒഴികെയുള്ള ഗതാഗതങ്ങൾക്കാണ് ഇവിടെ പ്രവേശനം നിഷേധിച്ചത്.

കൂടാതെ ഈ പ്രദേശത്ത് കൂടിയുള്ള കാൽനടയാത്രക്കാർക്ക് പ്രത്യേക പാത ഉണ്ടാക്കാനും കൗൺസിൽ പദ്ധതിയിട്ടിട്ടുണ്ട്. ഇതും ലുവാസ് സർവീസ്, ഡബ്ലിൻ ബസ്, ടാക്സികൾ, മറ്റ് വാഹനങ്ങൾ തുടങ്ങിയവ നിരോധിക്കാൻ കാരണമാണ്. എന്നാൽ ഇതിന്റെ അനുമതി ലഭിക്കുന്നതിന് മുമ്പ് തന്നെ ഈ പ്രദേ്ശത്ത് ടാക്‌സിക്ക് നിരോധനം ഏർപ്പെടുത്താൻ നിർദ്ദേശം മുന്നോട്ട് വച്ചതാണ് ഡ്രൈവർമാരെ ചൊടുപ്പിച്ചത്.