ഡാളസ്സ്: നൂറ്റി മുപ്പത്തി ഒന്നാമത്് ടെക്സസ് സ്റ്റേറ്റ് ഫെയറിന് സെപ്റ്റംബർ 29 ന് ഡാളസ്സിൽ തുടക്കം കുറിച്ചു. ദിനം പ്രതിപതിനായിരങ്ങളെ ആകർഷിക്കുന്ന ഫെയർ ഡാളസ്സിലെ ചരിത്ര പ്രസിദ്ധമായഫെയർ പാർക്കിലാണ് സംഘടിപ്പിച്ചിരിക്കുന്നത്. ടെക്സസ് സംസ്ഥാനത്തിന്റെ വിവിധ ഭാഗങ്ങളിൽ നിന്നുപോലും സ്റ്റേറ്റ് ഫെയർ കാണാൻ എത്തുന്നവർ നിരവധിയാണ്.

സെപ്റ്റംബർ 29 മുതൽ ഒക്ടോബർ 22വരെ നീണ്ട് നിൽക്കുന്ന ഫെയറിൽ നൂറിൽ പരം പരിപാടികളാണ് ദിവസവുംഅരങ്ങേറുക. 2017 ലെ ഫെയറിൽ പുതിയ പല ഇനങ്ങളും ഉൾപ്പെടുത്തിയിട്ടുണ്ടെന്ന് സംഘാടകർ അറിയിച്ചു. 1886 ലാണ് ആദ്യമായിഡാളസ്സിൽ സ്റ്റേറ്റ് ഫെയറിന് ആരംഭം കുറിച്ചത്.

അമേരിക്ക ഒന്നാം ലോക മഹായുദ്ധത്തിലേക്ക് പ്രവേശിച്ചതിന്റെ 100ാംവാർഷികം ആഘോഷിക്കുന്നതിന്റെ ഭാഗമായി 'ടെക്സസ് ഇൻ ദ ഫസ്റ്റ് വേൾഡ്‌വാർ' എന്ന പ്രത്യേക എക്സിബിറ്റ് ഈ വർഷത്തെ ആകർഷണങ്ങളിൽ ഒന്നാണ്എല്ലാ വർഷവും സന്ദർശകരുടെ പ്രത്യേക ശ്രദ്ധ പിടിച്ചുപറ്റുന്ന ഒന്നാണ്ഫുഡ് ഫെസ്റ്റിവൽ സംഗീത പരിപാടികൾ, വിവിധയിനം സാരികൾ, മത്സരങ്ങൾഎന്നിവ ഫെയറിന്റെ മാത്രം പ്രത്യേകതയാണ്.

2016 ൽ ലഭ്യമായ കണക്കുകൾ അനുസരിച്ച് ശരാശരി ഒരു ലക്ഷം പേരാണ് ഫെയർകാണാൻ എത്തിയത്. പ്രവേശനം ടിക്കറ്റ് മൂലം നിയന്ത്രിച്ചിട്ടുണ്ട്.സ്‌കൂൾ വിദ്യാർത്ഥികൾ, ഗ്രൂപ്പുകൾ, ചർച്ച അംഗങ്ങൾഎന്നിവർക്ക് പ്രത്യേക ഡിസ്‌കൗണ്ട് ലഭിക്കുന്നതാണ്. സെപ്റ്റംബർ 29മുതൽ ഒക്ടോബർ 22 വരെ ഡാളസ്സിനെ സംബന്ധിച്ച് ഉത്സവത്തിന്റെദിനങ്ങളാണ്.