ആരാണ് താഹിർ ഹസ്സൻ? അൽ ഖൈയ്ദയ്ക്ക് വേണ്ടി മലയാളത്തിൽ പോസ്റ്റിട്ടത് മാദ്ധ്യമ പ്രവർത്തകനോ? സിറിയയിൽ നിന്ന് പോസ്റ്റിടുന്നത് പാലക്കാട്ടെ ഒലവക്കാടുകാരനെന്ന് ജനം ടിവി; വിശദാംശങ്ങൾ തേടി രഹസ്യപൊലീസും
തിരുവനന്തപുരം: ആരാണ് ഫെയ്‌സ് ബുക്കിലെ താഹിർ ഹസ്സൻ. ഒന്നുറുപ്പ് ഇയാൾക്ക് മലായളം അറിയാം. അൽഖൈയ്ദയോടും താലിബാനുമോടാണ് താൽപ്പര്യം. ഫെയ്‌സ് ബുക്ക് പേജിലെ വിവരങ്ങൾ നോക്കിയാൽ യുദ്ധത്തിലും പങ്കെടുത്തിട്ടുണ്ട്. ജിഹാദിന് ആഹ്വാനം ചെയ്യുന്ന പോസ്റ്ററുകളും പടങ്ങളുമാണ് ഫെയ്‌സ് ബുക്ക് നിറയെ. ഇയാൾ അൽഖൈയ്ദയുടെ മലയാളിയായ ചാവേറാണെന്നാണ് ജനം ടിവ
തിരുവനന്തപുരം: ആരാണ് ഫെയ്‌സ് ബുക്കിലെ താഹിർ ഹസ്സൻ. ഒന്നുറുപ്പ് ഇയാൾക്ക് മലായളം അറിയാം. അൽഖൈയ്ദയോടും താലിബാനുമോടാണ് താൽപ്പര്യം. ഫെയ്‌സ് ബുക്ക് പേജിലെ വിവരങ്ങൾ നോക്കിയാൽ യുദ്ധത്തിലും പങ്കെടുത്തിട്ടുണ്ട്. ജിഹാദിന് ആഹ്വാനം ചെയ്യുന്ന പോസ്റ്ററുകളും പടങ്ങളുമാണ് ഫെയ്‌സ് ബുക്ക് നിറയെ. ഇയാൾ അൽഖൈയ്ദയുടെ മലയാളിയായ ചാവേറാണെന്നാണ് ജനം ടിവി റിപ്പോർട്ട് ചെയ്യുന്നത്. ആളാരെന്നതിന് വ്യക്തമായ സൂചനകളും ഉണ്ട്. വാർത്ത എത്തിയതോടെ ഇയാളുടെ വിവരങ്ങൾ തിരിക്കി ഇന്റലിജൻസും രംഗത്ത് എത്തിയിട്ടുണ്ട്.
അൽ ഖ്വയ്ദയുടെ പോഷക സംഘടനയായ അൽ നുസ്രയ്ക്ക് വേണ്ടി പാലക്കാട് ഒലവക്കോട് സ്വദേശി പ്രവർത്തിക്കുന്നതായാണ് ജനം ടിവി റിപ്പോർട്ട് ചെയ്യുന്നത്. സിറിയയിലെത്തും മുമ്പ് ഇയാൾ എൻഡിഎഫ് മുഖപത്രത്തിൽ ഗൾഫിലെ പാർടൈം ലേഖകനായിരുന്നു എന്നാണ് വാർത്ത. അബു താഹിറിന്റെ abuthahir.olavakkod.99 എന്ന അഡ്രസിലുള്ള ഫേസ്‌ബുക്ക് ഐഡിയിൽ നിന്നാണ് ഞെട്ടിപ്പിക്കുന്ന വിവരങ്ങൾ പുറത്തുവന്നത്. 2014 നവംബർ മുതലാണ് അൽ ഖ്വായ്ദയെ അനുകൂലിച്ചുകൊണ്ടുള്ള പോസ്‌റ്!റുകൾ അബു താഹിറിന്റെ ഫേസ് ബുക്ക് പേജിൽ പ്രത്യക്ഷപ്പെടുന്നത്. കഴിഞ്ഞ വർഷം ജുലൈയിൽ ഉംറ നിർവഹിക്കിക്കാനെന്ന പേരിൽ ദോഹയിൽ നിന്ന് തിരിച്ച ഇയാൾ തുർക്കി വഴി സിറിയയിലെത്തിയതായാണ് റിപ്പോർട്ട്.
അല്ലാഹുവിന്റെ കാരുണ്യമുണ്ടെങ്കിൽ അഫ്ഗാൻ അധികം താമസമില്ലാതെ മുജാഹിദീന്റെ കൈകളിൽ വീഴും. അഫ്ഗാൻ താലീബാന്റെ ഓപറേഷൻ അസം ഫലം കാണുന്നു. അഫ്ഗാനിലെ പുതിയ ഇസ്്‌ലാമിക് ഇമാറത്തിനായി വിശ്വാസികൾ കാത്തിരിക്കുന്നു. പാക് താലീബാൻ സ്വന്തമായി സർഫേസ് ടു എയർ മിസൈൽ (വിമാനത്തെ വെടിവച്ചിടാൻ പറ്റുന്നത്) ഉണ്ടാക്കി. പരീക്ഷണത്തിൽ വിജയം കണ്ടിരിക്കുന്നു. ജിഹാദിന് ഒരു പുതിയ മുതൽക്കൂട്ടാണിത്. സിറിയയിലെ ഇദ്‌ലിബ് എന്ന സ്ഥലം 90 % മുജാഹിദുകളുടെ കൈകളിൽ വീണിരിക്കുന്നു. വൻ യുദ്ധമുതലാണ് ഈ സ്ഥലങ്ങളിൽ നിന്നും മുജാഹിദുകൾക്ക് ലഭിച്ചത്-മലയാളത്തിൽ ഇങ്ങനെ ഫെയ്‌സ് ബുക്കിൽ കാണുന്നതു കൊണ്ട് തന്നെ ഇയാളുടെ താലിബാൻ അനുകൂല നിലപാട് വ്യക്തമാണ്.
കുറച്ച് സ്ഥലങ്ങളിൽ ബഷാർ അസദിന്റെ സൈന്യത്തെ വളഞ്ഞിട്ടിരിക്കുകയാണ്. അല്ലാഹുവിന്റെ അനുഗ്രഹത്താൽ ആ സ്ഥലം കൂടി ലഭിക്കുന്ന പക്ഷം സിറിയയിൽ തീരുമാനമാകാൻ അധികം സമയം വേണ്ടി വരില്ല. (സിറിയയിൽ ഐ.എസ്.ഐ.എസ് എന്ന കൊലയാളി സംഘടന രൂപപ്പെട്ടിരുന്നില്ലെങ്കിൽ സിറിയ ഇപ്പോൾ ഇസ്്‌ലാമിക ഇമാറത്ത് ആയിട്ടുണ്ടാകുമായിരുന്നു.)യമനിൽ സൗദി നിയന്ത്രണ സഖ്യത്തിന്റെ ഇടപെടൽ മുജാഹിദുകൾക്ക് ഉണ്ടാക്കിയ വിജയം ചില്ലറയല്ല. ഒരു വലിയ എയർപോർട്ട് വരെ ഇപ്പൊ മുജാഹിദുകൾക്ക് സ്വന്തമായുണ്ട്. ലോകമുജാഹിദുകളും അവരെ സ്‌നേഹിക്കുന്ന മുസ്്‌ലിംകളും തങ്ങളുടെ പ്രൗഢിയും പ്രതാപവും ഒരു വിളിപ്പാടകലെ കാത്തുനിൽക്കുമ്പോൾ നിങ്ങളുടെ പ്രാർത്ഥനകളിൽ മുജാഹിദുകൾക്കായി പ്രത്യേക ഇടം മാറ്റിവയ്ക്കാൻ മറക്കരുത്-ഐസിസിനെ എതിർക്കുന്ന വിഭാഗത്തിലാണ് ഇയാളെന്ന് ഈ വരികളും വ്യക്തമാക്കുന്നു.
അതിന് മുൻപ് ഇയാൾ എസ്ഡിപിഐയുടേയും പോപ്പുലർ പ്രണ്ടിന്റെയും പോസ്‌റ്‌റുകൾ ഷെയർ ചെയ്തിട്ടുണ്ട്. താൻ ഇസ്ലാമിക് സ്റ്റേറ്റിനു വേണ്ടിയാണ് പ്രവർത്തിക്കുന്നതെന്ന തെറ്റിദ്ധാരണ വേണ്ടെന്നും, അൽ ഖ്വയ്ദയുടെ സിറിയൻ വിഭാഗമായ അൽ നുസ്രയയുടെ ചാവേറാണന്നും താഹിർ തുറന്നുസമ്മതിക്കുന്നു. തന്റെ കൂറ് അൽ ഖ്വായ്ദ തലവൻ അയ്മൻ അൽ സവാഹിരിയോടാണെന്നും വ്യക്തമാക്കുന്നു. ഖിലാഫത്ത് കെട്ടിപ്പടുക്കാൻ ലോകമെമ്പാടുമുള്ള മുസ്ലീമുകളെ സിറിയയിലേക്ക് ക്ഷണിക്കുന്ന താഹിർ, ഇന്ത്യയിലെ ജിഹാദി സംഘം അവിടുത്തെ ഭരണാധികാരികളെ തെരുവിലൂടെ വലിച്ചിഴയ്ക്കുമെന്നും മറ്റൊരു പോസ്റ്റിൽ പറയുന്നു. ജിഹാദികൾ കശ്മീരിൽ മാത്രമല്ല, ഭാരതത്തിന്റെ മറ്റ് പ്രദേശങ്ങളിലും ഉണ്ടെന്നും ഇയാൾ അവകാശപ്പെടുന്നു.
സിറിയിൽ തന്നോടൊപ്പം യുദ്ധം ചെയ്യുന്നവരുടേയും യുദ്ധത്തിൽ കൊല്ലപ്പെട്ടവരുടെ ചിത്രങ്ങളും താഹിറിന്റെ ഫേസ്‌ബുക്ക് പേജിൽ ഉണ്ട്. രണ്ടു കുട്ടികൾ തോക്കുകളേന്തി ജിഹാദ് മുഴക്കുന്ന ഞെട്ടിക്കുന്ന ദൃശ്യങ്ങൾ ഉൾപ്പടെ വിശുദ്ധ യുദ്ധത്തിന് ആഹ്വാനം ചെയ്യുന്ന നിരവധി വീഡിയോകളാണ് താഹിർ നേരിട്ട് ഫേസ്‌ബുക്കിൽ പോസറ്റ് ചെയ്തിട്ടുള്ളത്. കുടുതൽ വിവരങ്ങൾ വരും ദിനങ്ങളിൽ പുറത്തു വിടുമെന്നും ജനം ടിവി വെളിപ്പെടുത്തുന്നു.
