തലശേരി: തലശേരിയിൽ മയക്കുമരുന്നുമായി അഞ്ചു യുവാക്കൾ പിടിയിൽ. മുഴപ്പിലങ്ങാട് കുളം ബസാർ സ്വദേശികളായ അർഷാദ്, വടക്കുമ്പാട് കൂളിബസാർ സ്വദേശികളായ മുഹമ്മദ് സിദാൻ, ജുബിൻ ഫിറാദ്, മുഹമ്മദ് റാഹിൽ, കോടിയേരി ഈങ്ങയിൽ പീടിക സ്വദേശി മുഹമ്മദ് ഫായിസ്, എന്നിവരാണ് 2.040 ഗ്രാം എംഡി എം എ യുമായി പിടിയിലായത് . തലശേരി വിക്ടോറിയ ഹോട്ടലിൽ നിന്നാണ് സംഘത്തെ തലശേരി പൊലീസ് പിടികൂടിയത്. യുവാക്കളിലൊരാൾ പൊലിസിനെ കണ്ടു ഓടി രക്ഷപ്പെടുന്നതിനിടെയിൽ ഒരാൾക്ക് പരുക്കേറ്റു.ഇയാളെ സ്വകാര്യ ആശുപത്രിയിൽ പ്രവേശിപ്പിച്ചു.