ചെന്നൈ: തമിൾ റോക്കോഴ്‌സിനോട് അപേക്ഷയുമായി എത്തിയിയ വിഘ്‌നേഷ് ശിവയുടെ വാക്കുകൾ സൈറ്റ് കേട്ടില്ല. പൊങ്കൽ ചിത്രങ്ങൾ തമിൾ റോക്കേഴ്‌സ് സൈറ്റിലെത്തി. വിഘ്‌നേഷ് ശിവൻ സംവിധാനം ചെയ്ത് സൂര്യ നായകനായ താന സേർന്ത കൂട്ടം. വിജയ് ചന്ദർ സംവിധാനം ചെയ്ത സ്‌കെച്ച്, പ്രഭുദേവയുടെ ഗുലേഭഗവാലി എന്നിവയാണ് സൈറ്റിൽ അപ്ലോഡ് ചെയ്തത്.

പൊങ്കൽ റിലീസായി എത്തിയ തമിഴ് ചിത്രങ്ങൾ പ്രചരിപ്പിക്കരുതെന്ന് തമിൽ റോക്കേഴ്‌സിനോട് സംവിധായകൻ അപേക്ഷിച്ചിരുന്നു

'തമിൾറോക്കേഴ്‌സ് ടീം, ദയവ് ചെയ്ത് ഹൃദയമുണ്ടെങ്കിൽ അതുപയോഗിച്ച് ഒന്നു ചിന്തിക്കൂ. ഈ ദിവസത്തിന് വേണ്ടി ഞങ്ങൾ ഒരുപാട് കഷ്ടപ്പെട്ടു. നികുതി പ്രശ്‌നങ്ങൾക്കിടയിലാണ് ഈ ചിത്രങ്ങൾ ഇറങ്ങുന്നത്. ദയവ് ചെയ്ത ഞങ്ങളോടിത് ചെയ്യരുതേ...'

എന്നാൽ അത് തമിൾ റോക്കേഴ്‌സ് കേട്ടിരുന്നില്ല. വിശാലിന്റെ നേതൃത്വത്തിൽ പ്രൊഡ്യൂസേഴ്‌സ് കൗൺസിൽ മുന്നിട്ടിറങ്ങി ഈ വെബ്‌സൈറ്റുകളുടെ ചില അഡ്‌മിനുകളെ പിടികൂടിയെങ്കിലും വ്യാജ സെറ്റുകളുടെ ശല്യത്തിന് ഇതുവരെ യാതൊരു കുറവുമില്ല.

കുറച്ച് നാളുകൾക്ക് മുൻപ് ചെന്നൈ ടു സിംഗപ്പൂർ എന്ന സിനിമ ഒരുക്കിയ സംവിധായകൻ അബ്ബാസ് അക്‌ബർ തമിൾ റോക്കേ്‌സിന് മുന്നിൽ അപേക്ഷയുമായി എത്തിയ ആദ്യ സംവിധായകൻ. സിനിമയ്ക്ക് ഒരു മാസത്തെ സമയം നൽകണമെന്ന് താണുകേണ് അപേക്ഷിക്കുകയാണ് അബ്ബാസ് ചെയ്തത്. ഒരു മാസമെങ്കിലും സിനിമ ഓടിയാൽ മാത്രമേ മുടക്കുമുതൽ തിരിച്ചു കിട്ടുകയുള്ളൂവെന്നും അതിനാൽ സിനിമ ചോർത്തരുതെന്നും അബ്ബാസ് പറഞ്ഞിരുന്നു.

സംവിധായകന്റെ അപേക്ഷ തമിൾ റോക്കേ്‌സ് തള്ളിക്കളഞ്ഞില്ല. അപേക്ഷയുടെ സ്വരമായതുകൊണ്ടാകണം ആ സിനിമയുടെ എല്ലാ ഡൗൺലോഡ് ലിങ്കുകളും വെബ്‌സൈറ്റിൽ നിന്ന് എടുത്തുമാറ്റിയെന്നാണ് റിപ്പോർട്ടുകൾ. തമിൾ റോക്കേഴ്‌സിന്റെ പാത പിന്തുടർന്ന് തമിൾ ഗൺ, തമിൾ എംവി എന്നീ സെറ്റുകളും ലിങ്കുകൾ നീക്കം ചെയ്തിട്ടുണ്ട്.