അച്യുതൻ ഏലിയാസ് കൃഷ്ണനായി കുഞ്ചാക്കോ ബോബനെത്തുന്ന ചിത്രം തട്ടും പുറത്ത് അച്യുതന്റെ ട്രെയിലർ പുറത്ത്. ലാൽ ജോസ് - കുഞ്ചാക്കോ ബോബൻ കൂട്ടുെകട്ടിൽ ഒരുങ്ങിയ ചിത്രത്തിൽ പുതുമുഖ താരമായ ശ്രാവണയാണ് ചിത്രത്തിലെ നായിക.

സാധാരണക്കാരനായ ഒരു ചെറുപ്പക്കാരന്റെ ജീവിതത്തിൽ സംഭവിക്കുന്ന അപ്രതീക്ഷിത സംഭവങ്ങളിലൂടെയാണ് സിനിമ മുന്നേറുന്നത്. മുൻചിത്രങ്ങളെപ്പോലെ തന്നെ കുടുംബ പ്രേക്ഷകർക്ക് ആസ്വദിക്കാവുന്ന സിനിമയായിരിക്കും ഇതെന്ന് അണിയറപ്രവർത്തകർ ഉറപ്പ് നൽകിയിരുന്നു

ദീപാങ്കുരൻ ആണ് ചിത്രത്തിന്റെ സംഗീത സംവിധാനം ചെയ്തിരിക്കുന്നത്. എൽ.ജെ. ഫിലിംസ് ചിത്രം തീയ്യറ്ററുകളിലെത്തിക്കും.എൽസമ്മ എന്ന ആൺകുട്ടി, പുള്ളിപുലിയും ആട്ടിൻകുട്ടിയും എന്നീ ചിത്രങ്ങൾക്ക് തിരക്കഥ രചിച്ച എം.സിന്ധുരാജാണ് ചിത്രത്തിന്റെ തിരക്കഥ രചിച്ചിരിക്കുന്നത്.

ഗ്രാമീണ പശ്ചാത്തലത്തിൽ കഥ പറയുന്ന ചിത്രത്തിൽ വിജയരാഘവൻ, നെടുമുടി വേണു, ഹരീഷ് കണാരൻ എന്നിവരും പ്രധാന വേഷങ്ങളിലെത്തുന്നു.കുഞ്ചാക്കോ ബോബൻ തന്നെയാണ് ഫേസ്‌ബുക്കിലൂടെ ട്രെയിലർ പുറത്ത് വിട്ടത്. ക്രിസ്മസ് റിലീസുകളുടെ കൂട്ടത്തിൽ ഹാസ്യ ,കുടുംബ ചിത്രമായി തട്ടും പുറത്ത് അച്യുതനുമുണ്ടാകും.