കൊച്ചി: സിദ്ധാർത്ഥ് ഭരതനും ഷൈൻ ടോം ചാക്കോയും മുഖ്യ വേഷങ്ങളിൽ എത്തുന്ന 'കോപ്പയിലെ കൊടുങ്കാറ്റ്'ലെ ഗാനങ്ങൾ റിലീസ് ചെയ്തു. ചിത്രത്തിലെ രണ്ടു ഗാനങ്ങൾക്കും വരികൾ രചിച്ചിരിക്കുന്നത് റോയ് പുറമഠം ആണ്. മിഥുൻ ഈശ്വർ ഈണം പകർന്നിരിക്കുന്നു.

ആദ്യത്തെ ഗാനം 'പറയുവാനറിയാതെ' ആലപിച്ചിട്ടുള്ളത് ഗാനഗന്ധർവ്വൻ ഡോ. കെ.ജെ. യേശുദാസ് ആണ്. സംഗീത സംവിധായകൻ തന്നെ ആലപിച്ചിട്ടുള്ള 'തിര തിര' എന്ന ഗാനമാണ് രണ്ടാമത്തേത്.

ബൈജു എഴുപുന്നയുടെ കഥയിൽ സൗജൻ ജോസഫ് സംവിധാനം ചെയ്യുന്ന 'കോപ്പയിലെ കൊടുങ്കാറ്റി'ന്റെ തിരക്കഥ ഒരുക്കിയിരിക്കുന്നത് രാജേഷ് കെ നാരായണാണ്. നിഷാന്ത് സാഗർ, നൈറ ബാനർജി, പാർവതി നായർ, ശാലിൻ സോയ തുടങ്ങിയവരും കഥാപാത്രങ്ങളായി എത്തുന്നു.

ഛായാഗ്രഹണം നിർവഹിച്ചിരിക്കുന്നത് വിരേൻ കെ.തിവാരിയും ബിജു സുവർണയും ചേർന്നാണ്. ചിത്രസംയോജനം രഞ്ജിത് ടച്ച്‌റിവർ. പശ്ചാത്തല സംഗീതം റുഡോൾഫ് ജിയുടേതാണ്. മ്യൂസിക്247 ആണ് ഒഫീഷ്യൽ മ്യൂസിക് ലേബൽ. കമ്മുവടക്കൻ ഫിലിംസിന്റെ ബാനറിൽ നൗഷാദ് കമ്മുവടക്കൻ ആണ് ചിത്രം നിർമ്മിച്ചിരിക്കുന്നത്.

പാട്ടുകൾ കേൾക്കാൻ: