കണ്ണൂർ: തിങ്കളാഴ്‌ച്ച മുതൽ സംസ്ഥാനത്ത് സിനിമാപ്രദർശനം വീണ്ടും തുടങ്ങാനിരിക്കെ കണ്ണൂർ ജില്ലയിലെ മിക്ക വൻകിട തീയേറ്ററുകളും അടഞ്ഞുകിടക്കും. ജില്ലയിലെ പ്രമുഖ തീയേറ്ററുകളായ തലശേരി ലിബർട്ടി തീയേറ്റർ കോംപൽക്സ്, കണ്ണൂർ കവിത, ലിറ്റിൽ കവിത, കണ്ണൂർ സരിത-സവിത-സമുദ്ര-സാഗര തീയേറ്റർ കോംപൽക്സ്, എന്നിവടങ്ങളിലൊന്നും തിങ്കളാഴ്‌ച്ച പ്രദർശനം നടത്തില്ല.

ഇവിടങ്ങളിൽ നവംബർ നാലു മുതൽ പടംകളിക്കാനാണ് തീരുമാനം.മിക്കവാറും സൂപ്പർസ്റ്റാർ രജനീകാന്തിന്റെ അണ്ണാത്തെയെന്ന തമിഴ്ചിത്രത്തോടെയായിരിക്കും ഇവിടങ്ങളിൽ കളിതുടങ്ങുക. ചില തീയേറ്ററുകളിൽ അവസാന ഘട്ട മിനുക്ക് പണിയിലാണെങ്കിലും എന്നു പടം തുടങ്ങുമെന്ന കാര്യം പറയാനായിട്ടില്ല.വിവിധ കാരണങ്ങളിലാണ് ഇവിടെയൊക്കെ പ്രദർശനം നീണ്ടു പോകുന്നത്.സംസ്ഥാനത്ത് തീയേറ്റർ തുറക്കുന്ന നാളെ മലയാള ചലച്ചിത്രങ്ങൾ റിലീസിങിനില്ലാത്തത് തിരിച്ചടിയാണ്.

ദീപാവലി പ്രമാണിച്ചു പുറത്തിറങ്ങുന്ന തമിഴ്, ഹിന്ദി ചിത്രങ്ങളിലാണ് തീയേറ്റർ ഉടമകളുടെസർവ്വ പ്രതീക്ഷയും. ഇവയാകട്ടെ നവംബർ ആദ്യവാരമാണ് റിലീസ് ചെയ്യുക.ദുൽഖറിന്റെ കുറുപ്പ്, നിവിൻ പോളിയുടെ തുറമുഖം,ദിലീപിന്റെ കേശു ഈ വീടിന്റെ നാഥൻ, ഇ്ന്ദ്രജിത്തിന്റെ ആഹാ, ആന്റണിവർഗീസിന്റെ അജഗജാന്തരം എന്നിവയാണ് ഉടനെ പുറത്തിറങ്ങാനുള്ള മലയാള ചലച്ചിത്രങ്ങൾ.

മെഗാതാരങ്ങളായ മമ്മൂട്ടിയുടെ ഭീഷ്മപർവ്വം, മോഹൻലാലിന്റെ മരക്കാർ അറബിക്കടലിലെ സിംഹം എന്നിവ ചിത്രീകരണം പൂർത്തിയായിട്ടെങ്കിലും ഇവ ഉടനെ റിലീസു ചെയ്യില്ലെന്നാണ് സൂചന.

 

തിയേറ്ററുകൾ